Марказий банк Бошқарувининг қарори (28.09.2018 йилда 2527-2-сон билан рўйхатдан ўтказилган) билан Тижорат банклари томонидан давлат мақсадли жамғармалари кредит линиялари ҳисобидан имтиёзли микрокредитлар бериш тартиби тўғрисида низомга ўзгартириш ва қўшимчалар киритилди.
Аҳолининг эҳтиёжманд қатламлари учун микрокредитлар
Эслатиб ўтамиз, Президентнинг 14.07.2018 йилдаги «Аҳоли бандлигини таъминлаш борасидаги ишларни такомиллаштириш ва самарадорлигини ошириш чора-тадбирлари тўғрисида»ги ПҚ–3856-сон қарори билан аҳолининг эҳтиёжманд қатламлари сирасига кирувчи жисмоний шахсларга қуйидаги шартларда микрокредитлар ажратиш назарда тутилган:
|
Олувчилар |
Мақсади |
Миқдори |
Ставкаси |
Имтиёзли даври |
Муддати |
|
а) аҳоли бандлигига кўмаклашиш марказларида рўйхатга олинган ишсиз шахслар;
б) меҳнат миграциясидан қайтган фуқаролар;
в) турмушида оғир ҳаётий вазиятга тушиб қолган хотин-қизлар;
г) кам таъминланган оилаларнинг аъзолари ва аҳолининг бошқа ижтимоий эҳтиёжманд қатламлари
|
а) шахсий томорқа ва деҳқон хўжаликларида ишлаб чиқаришни ривожлантириш мақсадида иссиқхоналар ташкил этиш, уруғликлар, кўчатлар, чорва моллари ва паррандалар, қишлоқ хўжалиги инвентари ва ускуналари, суғориш мосламалари (насослар, артезиан қудуқлари ва бошқалар) харид қилиш;
б) қишлоқ хўжалиги маҳсулотларини қайта ишлаш, сақлаш ва қадоқлаш, қурилиш материаллари, озиқ-овқат ва ноозиқ-овқат истеъмол моллари ишлаб чиқариш учун замонавий мини-ускуна ва хом ашё харид қилиш;
в) хизмат кўрсатиш соҳасида, айниқса, маиший, таъмирлаш, таълим, тиббий, ахборот-коммуникация ва бошқа талаб юқори бўлган соҳаларда фаолият кўрсатадиган корхоналар ташкил этиш ва жиҳозлаш;
г) қишлоқ туманларида, айниқса, хотин-қизлар ўртасида касаначиликни ривожлантириш;
г) туман ва шаҳарларнинг ишлаб чиқариш ихтисослашуви, мавжуд минерал хом ашё, ер, қишлоқ хўжалиги ва бошқа ресурсларни ҳисобга олган ҳолда бошқа йўналишлар. |
Таъминотсиз – 100 ЭКИҲгача (қайтармаслик хатари банк ҳисобидан суғурталанади);
Таъминот билан – 500 ЭКИҲгача |
қайта молиялаштириш ставкасининг 50%и
(25.09.2018 йилдан МБ ставкаси – 16%) |
6 ой |
3 йил |
Юқорида кўрсатилган шахслар микрокредит олиш учун банкка атиги 3 та ҳужжат тақдим этишлари талаб қилинади:
- белгиланган шаклдаги ариза;
- паспорт нусхаси;
- шаҳар (туман) сектори раҳбари ва шаҳар (туман) бандликка кўмаклашиш маркази директори имзолаган белгиланган шаклдаги тавсиянома.
Аҳолининг эҳтиёжманд қатламларини қўллаб-қувватлашга доир бошқа чора-тадбирлар ҳақида – бу ерда.
Якка тартибдаги тадбиркорлар ва кичик бизнес учун микрокредитлар
Якка тартибдаги тадбиркорлар, микрофирмалар, кичик корхоналар, деҳқон ва фермер хўжаликлари, шунингдек оилавий тадбиркорлик субъектлари илгари ҳам имтиёзли микрокредитлар олишлари мумкин эди. Бироқ уларни кредитлаш шартлари бирмунча ўзгарди.
Биринчидан, микрокредитнинг энг юқори миқдори 1 000 ЭКИҲдан 500 ЭКИҲгача қисқартирилди.
Иккинчидан, кредит ажратиш йўналишлари кенгайтирилди. Энди улар юқорида баён этилган мақсадлар учун тақдим этилади.
Ҳужжат Қонун ҳужжатлари маълумотлари миллий базасида эълон қилинган ва 29.09.2018 йилдан кучга кирди.
Самир Латипов.
