1996 йил 20 декабрда Бутунжаҳон интеллектуал ташкилоти доирасида қабул қилинган ижролар ва фонограммалар бўйича шартнома ҳамда Муаллифлик ҳуқуқи тўғрисидаги шартнома Ўзбекистон Республикаси учун кучга кирди, деб хабар қилади ТИВ.
Ҳозирги пайтда 101 мамлакат ва Европа Иттифоқи БИМТнинг мазкур шартномалари иштирокчиси ҳисобланади.
Ушбу ҳужжатлар «Интернет соҳасида БИМТ шартномалари» номи билан ҳам машҳур бўлиб, рақамли муҳитда муаллифлик ҳуқуқи ва аралаш ҳуқуқлар ҳимоясининг асосий мезонларини белгилайди.
Улар муаллифлик-ҳуқуқий контентни интерактив тарзда етказиш, муаллифлик-ҳуқуқий ҳимояни чеклаш ва ижодий маҳсулотларни тарқатиш ва фойдаланишга имкон берувчи технологияларга кўмаклашиш каби соҳаларда янги технологик нуқтаи назардан мувофиқлашган ҳимоя тизимига замин яратган, дейилади хабарда.
