Бу Вазирлар Маҳкамасининг 2019 йил 7 августдаги 651-сон қарорида белгиланган, дея хабар қилади Адлия вазирлиги ўзининг Телеграм-каналида.
Ўзгартиришлар Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламентига киритилади.
Мактабларга қўшимча квота бўйича қабул мактабларнинг имкониятидан келиб чиқиб, тегишли микроҳудуд бўйича асосий квотага тушмаган болалар учун амалга оширилади.
Эслатиб ўтамиз, аввалбошдан қўшимча квота микроҳудуддан ташқарида истиқомат қилаётган мактаб ёшидаги, микроҳудуд ва микроҳудуддан ташқари мактаб ёшига етмаган (тегишли йилнинг 1 сентябрига қадар 6 ёшга тўладиган), шунингдек, мактабларда таълим бериш тили бўйича бошланғич билим (мулоқот қилиш) кўникмасига эга бўлмаган болалар учун мўлжалланган эди.
Болаларни мактабларга қўшимча квота асосида қабул қилиш мактаб директорлари томонидан 10 августдан 31 августга қадар амалга оширилади. Бу Давлат хизматлари марказларининг ўта бандлиги, навбатларнинг олдини олиш билан боғлиқдир. Бунинг учун битта болага камида 10 ЭКИҲ миқдоридаги йиғим бекор қилинди.
