25.10.2021 йилдаги ЎРҚ-724-сон Қонун билан «Ўзбекистон Республикаси Президенти фаолиятининг асосий кафолатлари тўғрисида»ги Қонунга қўшимча киритилди.
Қонун 11-модда билан тўлдирилди, у билан Президентнинг расмий рамзлари - белги ва штандарт (байроқ) жорий қилинди.
Штандарт (байроқ) – Президент иштирокидаги барча муҳим тадбирларда, инаугурация (қасамад қабул қилиш) вақтида, шунингдек Президентнинг резиденциялари бинолари ва хизмат хоналарида кўтарилади.
Президентнинг белгиси - ушбу лавозимга сайланган шахсга, қасамёд қабул қилгандан кейин унга киришишда топширилади ва Президентда унинг конституциявий ваколатлари муддати тугагунга қадар сақланади.
Белгиланишича, белги ва штандарт (байроқ)нинг тавсифи, улардан расмий фойдаланиш тартиби Президент томонидан белгиланади.
Ҳужжат “Халқ сўзи” газетасида 26.10.2021 йилда эълон қилинган.
Эльмира Сиразиева.
