Молия вазирлиги томонидан ҚҲТБТ порталида “Ички аудит миллий стандартларини тасдиқлаш ҳақида”ги буйруқ лойиҳаси жамоатчилик муҳокамаси учун жойлаштирилди.
Ички аудит стандартлари вазирлик ва идораларнинг Ички аудит хизмати фаолиятининг асосий тамойиллари ва сифат кўрсаткичларини ҳамда ички аудит тадбирларини ўтказишнинг услубиётини белгилайди.
Ички аудит хизматини ташкил этиш, унинг вазифа ва функциялари ҳамда ҳуқуқ ва мажбуриятлари ички аудит хизмати тўғрисидаги низом билан белгиланади. Ички аудит хизматлари ўз фаолиятини мустақиллик, холислик, қонунийлик, малакалилик ва ахборот хавфсизлигини таъминлаш тамойиллари асосида амалга ошириши керак.
Ички аудит хизмати ходимлари ўзига юклатилган вазифа ва функцияларни амалга ошириши учун билим, малака ва кўникмаларга эга бўлиши лозим. Ички аудит хизмати ходимининг малакаси ички аудит миллий малака сертификати орқали тасдиқланади.
Лойиҳа ўзгартирилиши, унга қўшимча киритилиши ёки рад этилиши мумкин.
Лола Абдуазимова.
