Вазирлар Маҳкамасининг 2.06.2018 йилдаги 411-сон қарори билан 2018–2019 йилларда Ўзбекистон Республикаси Жисмоний тарбия ва спортни ривожлантириш жамғармаси маблағлари ҳисобидан молиялаштириладиган жисмоний тарбия ва спорт объектларини қуриш, реконструкция қилиш ва капитал таъмирлаш манзилли дастури тасдиқланди.
Таҳририятдан: мазкур ҳужжат ва 75 000 та бошқа норматив-ҳуқуқий ҳужжатлар тушунтиришлари билан «ЎзР қонун ҳужжатлари» АҚТга жамланган. Намойиш версиясини бу ерда кўчириб олишингиз мумкин (32,1 МБ).
28 та объектни қуриш, 19 тасини реконструкция қилиш, 4 та майдонда капитал таъмирлаш ўтказиш режалаштирилмоқда. Қурувчилар топширишлари керак бўлган объектлар рўйхатига, асосан болалар-ўсмирлар спорт мактабларининг спорт заллари ва иншоотлари, шу жумладан 12 та бассейн киритилган. Қолганлари қаторида ноёб объектлар – Бухородаги чим устида хоккей болалар-ўсмирлар спорт мактаблари спорт комплекси ҳам бор. Бу ерда капитал таъмирлаш ўтказилади.
Ҳар бир объект бўйича ишлар уларнинг смета қийматидан 30% миқдорида бир йўла аванс бериш билан бажарилади. 2018–2019 йилларда янги қурилган ва реконструкция қилинган объектларни ишга тушириш режалаштирилган.
Мазкур ишларни молиялаштириш маблағлари Жисмоний тарбия ва спортни ривожлантириш жамғармаси харажатларининг энг катта қисмини – 362 110 млн сўмни ташкил қилади. Унинг 2018 йилги умумий бюджети, республика жамғармаси ва минтақавий филиалларни ҳисобга олганда, 432 800,8 млн сўмни ташкил қилади. Яна 35 000 млн сўм спорт анжомлари, инвентарь ва спорт отларини сотиб олишга, 3 000 млн сўм – спорт мусобақалари ва бошқа тадбирларни ўтказишга сарфланади. Буларнинг ҳаммаси Жамғарманинг жорий йилдаги даромадлар ва харажатлар прогноз параметрларига киритилган.
Ҳужжат Қонун ҳужжатлари маълумотлари миллий базасида эълон қилинган ва 5.06.2018 йилдан кучга кирди.
Олег Гаевой.
