Бундай ўзгартиришлар ва қўшимчалар 9.01.2018 йилдаги ЎРҚ-459-сон Қонун билан Маъмурий жавобгарлик тўғрисидаги кодекснинг 47-моддасига киритилди.
Эслатиб ўтамиз, МЖтКнинг 47-моддасида 2 та маъмурий ҳуқуқбузарлик кўзда тутилган:
- ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик (шу жумладан вояга етмаган болаларнинг маъмурий ҳуқуқбузарлик содир этишига олиб келиши) – яъни Оила кодексининг (ОК) 73-моддасида кўзда тутилган мажбуриятларни писанд қилмаслик;
- болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш – яъни ОКнинг 73-моддасини бузишда фаол ҳаракатларни бажариш.
Бундай қилмишларни такрор содир этганлик учун оширилган жарималар ва ҳатто 15 суткагача муддатга маъмурий қамоқ жорий этилди. Жадвалга қаранг:
Ҳуқуқбузарлик тури |
Биринчи содир этганда ундирув |
Бир йил мобайнида такрор содир этганда ундирув |
Ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши. |
ЭКИҲнинг 1/2 дан 3 бараваригача |
ЭКИҲнинг 3 дан 5 бараваригача |
Болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш. |
ЭКИҲнинг 5 дан 10 бараваригача |
ЭКИҲнинг 10 дан 20 бараваригача ёки 15 суткагача муддатга маъмурий қамоқ. |
Бу – муҳим! Мазкур ҳуқуқбузарликларни биринчи содир этганда иш Вояга етмаганлар ишлари бўйича идоралараро комиссиялар томонидан кўриб чиқилиши мумкин. Такрор содир этилганда эса – фақат маъмурий ишлар бўйича судьялар томонидан кўриб чиқилади.
Қонун “Халқ сўзи” газетасида 10.01.2018 йилда эълон қилинди, ўзгартиришлар ва қўшимчалар шу санадан кучга киради.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Самир Латипов.