Адлия вазирининг буйруғи (рўйхат рақами 2090-16, 2018 йил 15 январь) Нотариуслар томонидан нотариал ҳаракатларни амалга ошириш тартиби тўғрисидаги йўриқномага ўзгартириш ва қўшимчалар киритилди. Ҳужжат Вазирлар Маҳкамасининг 9.10.2017 йилдаги 810-сон қарорига мувофиқ келтирилди.
Белгиланишича, Тошкент шаҳри ва Тошкент вилоятига бошқа давлатлардан келган, яшаш гувоҳномасини олган, бироқ республиканинг бошқа ҳудудларида пропискага эга бўлмаган чет эл фуқаролари ва фуқаролиги бўлмаган шахслар-жисмоний шахслар пойтахт ва пойтахт минтақасида янги қурилган уйларда қиймати 600 млн.сўмдан кам бўлмаган уй-жой кўчмас мулк сотиб олишга ҳақли. Илгари бундай битимларнинг минимал суммаси – 150 минг АҚШ долларини (шарҳ эълон қилинган кунда 1 млрд 221 млн 957 минг сўмни) ташкил этган эди.
Шу билан бирга бундай битимларни нотариал тасдиқлаш учун давлат божининг энг кам миқдори ҳам камайтирилади (битим суммасининг 10%и).
Эслатиб ўтамиз, янги қурилган уй-жой деганда фойдаланишга қабул қилинган пайтдан эътиборан 3 йилдан кўп муддат ўтмаган бино, иншоот тушунилади. Янги қурилган уй-жойдаги кўчмас мол-мулкка мулк ҳуқуқи туман (шаҳар) ҳокимининг Қурилиши тугалланган бинони ва иншоотни фойдаланишга қабул қилиш тўғрисидаги далолатнома тасдиқлаш ҳақидаги қарори асосида вужудга келади.
Белгиланган шартларда турар жой майдони сотиб олган шахслар Тошкент шаҳрида ва Тошкент вилоятида доимий прописка қилиниш ҳуқуқига эга бўлган шахслар - чет эл фуқаролари ва фуқаролиги бўлмаган шахслар тоифалари Рўйхатининг 1-бандига биноан Тошкент шаҳри ва Тошкент вилоятида доимий прописка олишга талабгор бўлишлари мумкин.
Ҳужжат 15.01.2018 йилда эълон қилинган ва кучга кирди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан яқин вақтда «Ўзбекистон Республикаси қонунчилиги» ахборот-қидирув тизимида танишиш мумкин.
Самир Латипов.
