Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Малака сертификати муддати узайтирилган аудиторлар рўйхати эълон қилинди - buxgalter.uz да ўқингҲисобварақ-фактуралардаги бош бухгалтер имзоси қаерга «йўқолди» - buxgalter.uz да ўқингАутсорсер билан ўзаро муносабатларда муаммолар бўлмасин - buxgalter.uz да ўқингМеҳнат дафтарчаси йўқ – стаж ҳам бўлмайдими? - buxgalter.uz да ўқинг

Доннинг қаерда ишлаб чиқарилиши ҚҚС бўйича имтиёзга қандай таъсир кўрсатади

02.10.2019

Рус тилида ўқиш

 

Донни қайта ишлайдиган корхоналар ва маҳаллий дондан фойдаланган ҳолда қолипли нон ишлаб чиқарувчиларнинг ҚҚС бўйича имтиёзлари 2020 йил 1 июлга қадар сақланиб қолади (30.09.2019 йилдаги 829-сон ВМҚга қаранг).    

 

Эслатиб ўтамиз, 2019 йил 1 октябрдан  ўзи ишлаб чиқарган қишлоқ хўжалиги маҳсулотларига ва Ўзбекистонда ишлаб чиқарилган озиқ-овқат маҳсулотларига нисбатан белгиланган ҚҚС бўйича имтиёзлар бекор қилинди. Тегишинча, ўтган йил охирида тасдиқланган реализация қилиш обороти ҚҚСдан озод этиладиган озиқ-овқат маҳсулотлари рўйхати ўз кучини йўқотди.

 

Бироқ, 2020 йил 1 июлга қадар маҳаллий ишлаб чиқарилган дондан тайёрланадиган қолипли нонни («буханка» деб аталадиган) ишлаб чиқариш ва реализация қилиш ҚҚСдан озод этилган.   

 

Шунингдек 2018 йил 1 сентябрдан бошлаб амал қилган донни қайта ишлайдиган корхоналар томонидан ишлаб чиқарилган маҳсулот қисмида ҚҚС солинадиган оборотни аниқлаш тартибига ўзгартириш киритилди:

  • маҳаллий ишлаб чиқарилган дон қийматини бундан буён 2020 йил 1 июлга қадар тушум ҳажмидан чегириш мумкин;
  • олиб киришда (импорт чоғида) ҚҚС солинадиган импорт қилинган донни қайта ишлашда 2019 йил 1 октябрдан солиқ солинадиган оборот Солиқ кодексига мувофиқ аниқланади (яъни доннинг қиймати чегирилмаган ҳолда, таҳр. изоҳи).

 

Олег Заманов.