Президентнинг 21.04.2017 йилдаги ПҚ–2915-сон қарори Экология ва атроф муҳитни муҳофаза қилиш давлат қўмитасининг келгуси фаолиятини белгилаб берди.
Эслатиб ўтамиз, Экология ва атроф муҳитни муҳофаза қилиш давлат қўмитаси Табиатни муҳофаза қилиш давлат қўмитасини қайта ташкил этиш йўли билан ташкил этилган (батафсил – бу ерда).
Ҳужжатга кўра мазкур идора тузилмасида ҳам муайян ўзгаришлар рўй берди (қуйидаги жадвалга қаранг).
№ |
Янги ташкил этилаётган таркибий бўлинмаларнинг номи |
Ўзгартирилаётган таркибий бўлинмаларнинг номи |
1. |
Биохилма-хиллик ва муҳофаза этиладиган табиий ҳудудларни муҳофаза қилиш ва улардан фойдаланишни назорат қилиш инспекцияси |
Ҳайвонот ва ўсимлик дунёси ва қўриқхоналарни ҳимоя қилиш ва оқилона фойдаланиш бўйича республика давлат инспекцияси |
2. |
Экология ва атроф-муҳитни муҳофаза қилиш илмий-текшириш институти |
“Сув хўжалиги экологияси” илмий-ишлаб чиқариш давлат корхонаси |
“Атмосфера” илмий-тадқиқот ва лойиҳа-технология институти |
||
“СУВГЕО” Тошкент илмий-тадқиқот институти |
||
3. |
Ихтисослаштирилган аналитик назорат маркази |
Давлат ихтисослаштирилган аналитик назорат инспекцияси |
4. |
Давлат экологик экспертизаси маркази |
Давлат экологик экспертизаси бош бошқармаси |
5. |
Қорақалпоғистон Республикаси, вилоятлар ва Тошкент шаҳри давлат экологик экспертизаси маркази |
Қорақалпоғистон Республикаси, вилоятлар ва Тошкент шаҳридаги давлат экологик экспертизаси |
6. |
Давлат экологик сертификатлаштириш ва стандартлаштириш маркази ва унинг филиаллари |
Давлат экологик сертификатлаштириш ва стандартлаштириш бош бошқармаси ва унинг филиаллари |
Ўзгартиришлар якунларига кўра қуйидагилар тасдиқланди:
- Экология ва атроф муҳитни муҳофаза қилиш давлат қўмитасининг ташкилий тузилмаси, унинг марказий аппарати тузилмаси (бошқарув ходимларининг чегараланган сони – 62 киши) ҳамда унинг ҳудудий бўлинмаларининг намунавий тузилмаси;
- Биохилма-хиллик ва муҳофаза этиладиган табиий ҳудудларни муҳофаза қилиш ва улардан фойдаланишни назорат қилиш инспекциясининг марказий аппарати тузилмаси ва унинг ҳудудий бўлинмаларининг намунавий тузилмаси;
- Чиқиндиларнинг ҳосил бўлиши, тўпланиши, сақланиши, ташилиши, утилизация қилиниши, қайта ишланиши, кўмилиши ва реализациясини назорат қилиш инспекциясининг тузилмаси ва қўмитанинг ҳудудий бўлимлари инспекциялари намунавий тузилмаси.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.