Президентнинг 21.11.2017 йилдаги ПҚ–3399-сон қарори билан Ислом тараққиёт банки иштирокидаги «Тошкент шаҳри кўчаларини ёритиш тизимида энергиядан самарали фойдаланиладиган технологияларни жорий этиш» лойиҳаси муддатларига тузатишлар киритилди.
Шаҳар бўйича 1 546 дона электр таъминоти шкафлари ва 116 083 дона симобли ёритиш асбоблари алмаштирилади. Уларнинг ўрнига светодиодли ёриткичлар ўрнатилади.
Лойиҳа бўйича пудратчи этиб «Toshelectroapparat» МЧЖ ХК тасдиқланган. У томондан олиб келинадиган, 1.01.2019 йилгача божхона тўловларидан озод этилган (божхона йиғимларидан ташқари) хом ашё, материал ва бутловчи буюмлар, асбоб-ускуналар, технологик жиҳозлар рўйхати тасдиқланди.
Эслатиб ўтамиз, мазкур божхона имтиёзлари Президентнинг 28.11.2013 йилдаги ПҚ–2078-сон қарори билан тақдим этилган.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Самир Латипов.