Президентнинг 31.01.2017 йилдаги ПҚ–2746-сон қарорига мувофиқ Тошкент шаҳрида тажриба тартибида кичик ва хусусий тадбиркорлик субъектлари учун микрокредитлашнинг янги схемаси жорий этилмоқда.
- www.norma.uz
- Қонунчиликдаги янгиликлар
- Имтиёзли микрокредитлар бўйича тажриба лойиҳаси ишга туширилди
Имтиёзли микрокредитлар бўйича тажриба лойиҳаси ишга туширилди
14.02.2017
Қуйидагилар микрокредитлаш учун қамраб олинадиган шахслар орасида устувор контингентлар ҳисобланади:
- ўрта махсус, касб-ҳунар ва олий таълим муассасалари битирувчилари;
- муддатли ҳарбий хизматдан қайтган жисмоний шахслар;
- меҳнат органларида рўйхатга олинган банд бўлмаган фуқаролар;
- оилавий ва хусусий тадбиркорлик билан шуғулланаётган аҳоли, шунингдек, фуқароларнинг ўзини-ўзи бошқариш органлари тавсияномалари бўйича ишга жойлашишга эҳтиёжманд бўлган бошқа шахслар.
Ҳаммаси бўлиб 2017 йилда тижорат банкларининг 126 та филиаллари орқали умумий қиймати 277 млрд сўмлик микрокредитлар тақдим этиш кўзда тутилган.
Мазкур микрокредитлар бериладиган асосий фаолият турлари рўйхати ҳам тасдиқланди. Уларнинг сони ўн бешта, аммо фуқаролар ўзини-ўзи бошқариш органларининг илтимосномасига биноан оилавий тадбиркорликнинг бошқа турлари ҳам таклиф этилиши мумкин.
Микрокредитлар суммаси ЭКИҲнинг 200 баробаригачани ташкил этиб, асосий қарзни тўлаш учун 6 ойлик имтиёзли муддат билан 3 йилгача берилади.
Шу билан бирга қуйидаги йиллик фоиз ставкалари амал қилади:
- битта иш жойи яратилганда – 9 %;
- иккита иш жойи – 8%;
- учтадан тўрттагача иш жойлари – 7%;
- бешта ва ундан ортиқ иш жойлари яратилганда – 6%.
Мурожаат этувчи томонидан, қонун ҳужжатлари талабларига мувофиқ бериладиган микрокредит бўйича қайтаришни таъминлай олмаслик ҳолати вужудга келганда тижорат банклари томонидан микрокредитни таъминлаш сифатида:
- ЭКИҲнинг 100 баробаригача миқдорда микрокредитлашда — харид қилинадиган мулкни ва фуқароларнинг ўзини-ўзи бошқариш органлари кафиллигини;
- ЭКИҲнинг 100 баробаридан ортиқ миқдорда микрокредитлашда — учинчи шахснинг кафиллигини, суғурта ташкилотларининг суғурта полисларини ва қонун ҳужжатлари доирасида бошқа таъминлаш турларини қабул қилиб олишларига йўл қўйилади.
Мазкур ҳужжатнинг тўлиқ матни ва у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси Қонунчилиги» ахборот-қидирув тизимида танишиш мумкин.
Олег ЗАМАНОВ,
экспертимиз.
Янги сонларда ўқинг
- Қишлоқ хўжалиги маҳсулотларини экспорт қилиш бўйича республика комиссияси тузилди
- Бош бухгалтернинг касаллиги ва солиқ текширувлари
- Якка тартибдаги тадбиркор солиқ солиш тизимини қандай ўзгартириши мумкин
- Сув ресурсларидан фойдаланганлик учун солиқнинг бўнак тўловлари
- «Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора-тадбирлар белгиланганлиги муносабати билан Ўзбекистон Республикасининг Солиқ кодексига қўшимчалар киритиш тўғрисида»
- Ўзига бўлган ишонч иш муносабатларига қандай таъсир кўрсатади
- «Ўзбекистон Республикасининг айрим қонун ҳужжатларига фуқароларнинг ижтимоий ҳимоясини янада кучайтиришга қаратилган ўзгартириш ва қўшимчалар киритиш тўғрисида»
- Дам олиш кунида ишга қабул қилишни расмийлаштириш мумкинми
- «Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида»
- «Тошкент шаҳрида «Тошкент инвест компанияси» акциядорлик жамияти ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга оширишни такомиллаштириш чора-тадбирлари тўғрисида»