Мунтазам равишда солиқ тўламайсизми – текширувни кутинг

Киритилган тузатишларга мувофиқ, микрофирмалар, кичик корхоналар, фермер хўжаликлари, шу жумладан янгитдан ташкил этилганлари, шунингдек, хусусий банк ва бошқа хусусий молиявий институтларнинг молия-хўжалик фаолияти солиқлар ва бошқа мажбурий тўловлар молия йили мобайнида мунтазам равишда тўланмаган тақдирда режали текширишлардан ўтказилиши мумкин.

Тегишли норма билан қуйидаги ҳужжатларга қўшимчалар киритилди:

• Солиқ кодекси;
• 2.05.2012 йилдаги ЎРҚ-328-сон «Тадбиркорлик фаолияти эркинлигининг кафолатлари тўғрисида»ги Қонуннинг янги таҳрири;
• 24.12.1998 йилдаги 717-I-сон «Хўжалик юритувчи субъектлар фаолиятини давлат томонидан назорат қилиш тўғрисида»ги Қонун;
• 11.12.2003 йилдаги 558-II-сон «Хусусий корхона тўғрисида»ги Қонун;
• 26.08.2004 йил 662-II-сон «Фермерлик хўжалиги тўғрисида»ги Қонуннинг янги таҳрири. 

Кўрсатилган ўзгаришлар 2017 йилнинг 1 январидан кучга кирди.

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.

Олег ЗАМАНОВ,

экспертимиз.

 

Мавзуга оид материаллар:

Тадбиркорларни режадан ташқари ва муқобил текширишлар  бекор қилинади

Ишонч билдирилсин – текширилмасин!