НҲҲ лойиҳалари: “ягона дарча” қандай хизматлар кўрсатади?

Эслатиб ўтамиз, 5.10.2016 йилдаги ПФ-4848-сон Президент Фармони билан  тегишли идораларга кўрсатилган рўйхатни кенгайтириш бўйича Вазирлар Маҳкамасига таклифлар киритиш топширилган эди.

Қўшимчалар 16 та янги давлат хизматларини ўз ичига олган бўлиб, уларнинг 9 таси лицензиялар олишни назарда тутади (масалан, улгуржи савдо, фармацевтика, тиббиёт, риэлторлик фаолияти ва бошқаларни амалга ошириш учун).

Шунингдек, лойиҳа “ягона дарча” тамойили бўйича хизмат кўрсатишда давлат органлари ўзаро ҳамкорлигининг бевосита мулоқот қилмайдиган шаклларини жорий этиш бўйича тадбирлар дастурини ўз ичига олган.

Жумладан, Ўзбекистон Ҳукумат портали доирасида электрон лицензиялаш порталини яратиш режалаштирилган бўлиб, у қуйидагиларни таъминлаши кўзда тутилган:

• лицензиялар ва рухсат бериш тусидаги ҳужжатларни расмийлаштириш тартиби ҳақида ахборот олиш;
• лицензиялар ҳамда рухсат бериш тусидаги ҳужжатларни бериш, тўхтатиб туриш, тиклаш ва қайта расмийлаштириш билан боғлиқ ички жараёнларни автоматлаштириш;
• лицензиялар ҳамда рухсат бериш тусидаги ҳужжатларни бериш, қайта расмийлаштириш, бекор қилиш ва тиклаш учун электрон ариза топшириш;
• электрон аризаларни кўриб чиқиш муддатлари ва мақомини назорат қилиш;
• лицензиялар ҳамда рухсат бериш тусидаги ҳужжатларнинг ҳақиқийлигини текшириш.

Лойиҳа муҳокама босқичида бўлиб, у ўзгартирилиши, қўшимчалар киритилиши ёки рад этилиши мумкин.

Олег ЗАМАНОВ,

экспертимиз

Мавзуга оид материаллар:

Тадбиркорларни режадан ташқари ва муқобил текширишлар  бекор қилинади

Давлат хизматлари яхшиланади