Президентнинг 15.12.2017 йилдаги ПФ-5286-сон Фармони билан Экспорти Ўзбекистон Республикаси Президентининг ёки Ўзбекистон Республикаси Ҳукуматининг қарорлари асосида амалга ошириладиган буюмлар ва маҳсулотлар рўйхати тасдиқланди.
Эслатиб ўтамиз, рўйхатнинг олдинги таҳрири Президентнинг 25.05.2017 йилдаги ПФ-5057-сон Фармони билан тасдиқланган. У билан қиёслаганда рўйхат бир қанча ўзгаришларга юз тутган.
1. Рўйхатдан ТИФ ТН 0106 19 100 0 коди (2007 йил версияси) бўйича тирик уй қуёнлари чиқариб ташланди.
2. Рўйхатнинг ўзида кўрсатилишича, унга киритилган товар гуруҳлари учун амал қиладиган экспорт тартиби қуйидагиларга татбиқ этилмайди:
- ТИФ ТН 0208 10 коди (2012 йил версияси) бўйича қуён гўшти ва озиқ-овқат субмаҳсулотлари;
- 0713 (ТИФ ТН 1106 10 000 0 коди) товар позицияси бўйича қуритилган дуккакли сабзавотлардан олинган ун.
Бинобарин, юқорида кўрсатилган маҳсулотлар экспорти учун Президентнинг ёки Ҳукуматнинг қарорлари талаб этилмайди.
Маълумот учун: Ўзбекистон 1.11.1997 йилдан бошлаб товарлар (ишлар, хизматлар)нинг барча турлари учун божхона божларини ва экспортни лицензиялашни (махсус турдаги товарлар экспортидан ташқари) бекор қилди. Қабул қилинган ҳужжатда бу ҳақда яна бир бор айтиб ўтилади, чунки у билан бунинг бекор қилиниши кўзда тутилган Президентнинг 10.10.1997 йилдаги ПФ-1871-сон “Товарлар (ишлар, хизматлар) экспортини рағбатлантиришга доир қўшимча чора-тадбирлар тўғрисида”ги Фармони кучини йўқотган деб эътироф этилган.
Ҳужжат Қонун ҳужжатлари маълумотлари миллий базасида расман эълон қилинган ва 16.12.2017 йилда кучга кирди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
