Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
buxgalter.uz да янги:Агар норезидент билан контрактда ишга тушириш-созлаш хизматлари қиймати ёзилмаган бўлса, солиқ қандай ҳисоблаб чиқариладиҚурилиш материаллари ишлаб чиқарувчилар имтиёзлар олишдиСТИР бекор қилингандан кейин нима бўладиХодимда паспорт эмас, балки ID-карта бўлса, нима қилиш керакЎриндошлик ва ихтиёрий ШЖБПҲ - имтиёз бор!Агар фаолият бошланмаган бўлса, амортизация харажатларини чегириб ташлаш мумкинми

Туризмни ривожлантириш учун субсидиялар тақдим этиш тартиби белгиланди

04.03.2021

Рус тилида ўқиш

Вазирлар Маҳкамасининг 24.02.2021 йилдаги «Ички ва зиёрат туризмини ривожлантириш бўйича қўшимча чора-тадбирлар тўғрисида» 100-сон қарори қабул қилинди. 

 

Президентнинг 3.02.2021 йилдаги «Ўзбекистон Республикасида ички ва зиёрат туризмни янада ривожлантириш чора-тадбирлари тўғрисида»ги ПФ-6165-сон Фармонига мувофиқ қуйидагилар тасдиқланди:

  • Ташриф буюрувчилар учун шарт-шароитлар яратилиши режалаштирилган туризм салоҳияти юқори бўлган маданий мерос объектлари рўйхати;
  • Зиёрат туризми маршрутларида фойдаланиладиган маданий мерос объектларининг 2021-2025 йилларда устувор равишда реставрация қилиш дастури;
  • Узоқ хориж ва қўшни республикалардан хорижий туристларни қабул қилиш ва уларга қулай шарт-шароитлар яратиш бўйича «Йўл харитаси»;
  • Хорижий тилларга таржима қилинадиган ва тарғиботи кенг амалга ошириладиган, алломалар ва зиёратгоҳлар тўғрисидаги фильмлар рўйхати;
  • Ўзбекистон бўйлаб саёҳат қилиш харажатларининг бир қисмини Ўзбекистон Республикаси республика бюджетидан қайтариш тартиби тўғрисидаги низом;
  • Субсидияланадиган авиа ва темир йўл қатнови йўналишларини, авиа чипталар ва меҳмонхона хизматларини субсидиялаш миқдорини белгилаш бўйича махсус комиссия таркиби;
  • Зиёрат туризмини ривожлантиришни мувофиқлаштириш кенгаши таркиби.

 

Ўзбекистон бўйлаб саёҳат қилиш харажатларининг бир қисмини Ўзбекистон Республикаси республика бюджетидан қайтариш тартиби тўғрисидаги низомга мувофи 2021 йил 1 мартдан 2022 йил 1 июнгача қуйидаги субсидиялар жорий этилади:

  • маҳаллий авиақатновларда авиачипта нархининг 25%и миқдорида, туроператорлар орқали харид қилинган темирйўл чипталари нархи 15%га пасайтирилади, умумий чегирма суммаси 40%ни ташкил этади;
  • Ўзбекистон Республикаси фуқаролари ва Ўзбекистон Республикасида доимий яшовчи фуқаролиги бўлмаган шахслар учун ташкил этилган турлар юзасидан транспорт чипталари нархининг 15%и ҳамда меҳмонхона хизматлари нархининг 10%и миқдорида.

 

Яшовчиларнинг ҳар бир яшаган куни учун жойлаштириш воситаларидан ундириладиган туристик (меҳмонхона) йиғимнинг миқдори базавий ҳисоблаш миқдорининг 0,4%ини ташкил этади.

 

Шунингдек Низомда қуйидагилар белгиланди:

  • авиаташувчиларга ажратиладиган субсидия миқдорини аниқлаш тартиби;
  • саёҳат ташкилотчисига транспорт чипталари ҳамда меҳмонхона хизматлари учун субсидия ажратиш тартиби;
  • саёҳат ташкилотчиларининг субсидия олиш учун аризаларни топшириш тартиби.

 

Ҳужжат Қонун ҳужжатлари маълумотлари миллий базасида эълон қилинган ва 25.02.2021 йилдан кучга кирди.

 

Лола Абдуазимова.


Валюталар курси

2021-06-18
  • USD:10581.03 (+0.00) сум
  • EUR:12645.39 (+0.00) сум
  • RUB:145.92 (+0.00) сум

Янги сонларда ўқинг

2021, 15 июнь№ 24