Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Молия вазирлиги МҲХС асосида Ҳисоб сиёсати бўйича услубий тавсияларни эълон қилдиАгар қоғоз шаклидаги ҳисобварақ-фактуралар ўзини намоён қилган бўлса, нима қилиш лозим?“Фаолият тўғрисида маълумотлар”ни топшириш зарурми?

Ўзбекистон БМТнинг учта тузилмаси билан ҳамкорликни кенгайтиради

17.12.2020

Рус тилида ўқиш

 

Бу ҳақда қарор давлат раҳбари томонидан 15 декабрь куни имзоланди (15.12.2020 йилдаги ПҚ-4922-сон қарорга қаранг).

 

Гап БМТ Озиқ-овқат ва қишлоқ хўжалиги ташкилоти (ФАО), БМТ Қишлоқ хўжалигини ривожлантириш халқаро жамғармаси (ҚХРХЖ) ҳамда БМТ Бутунжаҳон озиқ-овқат дастури (БООД) хусусида бормоқда. Уларнинг барчаси Италиянинг пойтахти – Римда жойлашган.

 

2020 йил ноябрь ойида Ўзбекистон яқин 2 йил муддатга ФАОнинг Европа учун Минтақавий конференцияси раиси этиб сайланган.

 

Айтиб ўтилганлар туфайли:

а) ФАО, ҚХРХЖ ва БООД билан ҳамкорликни ҳар томонлама кенгайтиришнинг устувор йўналишлари белгиланди ва тегишли “Йўл харитаси” тасдиқланди;

б) Ўзбекистоннинг Италиядаги элчихонаси штат жадвалига ўзгартиришлар киритилди:

  • элчи ўриндошлик асосида мамлакатимизнинг ФАО, ҚХРХЖ ва БООД ҳузуридаги доимий вакили этиб тайинланди. У бу сифатда Ўзбекистоннинг мазкур ташкилотлар билан ўзаро ҳамкорлигига доир барча масалаларни мувофиқлаштиради;
  • маслаҳатчи - доимий вакил ўринбосари лавозими киритилади. Унинг мажбуриятлари жумласида -  ФАО, ҚХРХЖ ва БООД билан тизимли амалий ҳамкорликни ривожлантириш;
  • Элчихонанинг маслаҳатчи лавозими Элчихонанинг савдо-иқтисодий масалалар бўйича маслаҳатчиси лавозимига ўзгартирилди.

 

Ҳужжат Қонун ҳужжатлари маълумотлари миллий базасида эълон қилинган ва 16.12.2020 йилдан кучга кирди.

 

Олег Заманов.