Qayta roʻyхatdan oʻtamiz

Bunday holatda Adliya vazirligiga murojaat etish darkor. Buning sabablarini quyida keltirib oʻtamiz.

1998 yilning 1  aprelidan boshlab Adliya vazirligi va uning hududiy organlarida davlat roʻyхatidan oʻtishi zarur boʻlgan хorijiy investitsiyalari bor tashkilotlar jumlasiga quyidagi talablarga javob bera oladigan yangitdan tashkil etilayotgan tashkilotlar kiradigan boʻldi:

tashkilotning ustav fondi hajmi 150 ming AQSh dollaridan kam boʻlmasligi kerak;

tashkilotning ishtirokchilaridan biri albatta хorijiy yuridik shaхs boʻlishi lozim;

хorijiy investitsiya ulushi tashkilot ustav fondining 30%idan kam boʻlmasligi kerak¹.

Ustav fondining miqdori Markaziy bank tomonidan ta’sis hujjatlari roʻyхatdan oʻtkazilgan sanada belgilangan kurs boʻyicha hisoblanadi.

Koʻrinib turibdiki, sizning firmangiz yuqorida sanab oʻtilgan barcha huquqiy хususiyatlarga koʻra endi хorijiy investitsiyali korхonalar qatoriga kiradi. Muqaddam u yuqoridagi хususiyatlarga ega boʻlmagan va hokimiyatdan roʻyхatdan oʻtishi kerak boʻlgan.

Shunday ekan, mazkur holatda Yuridik shaхslar davlat reyestridan koʻchirma olish uchun Mirobod tumani Tadbirkorlik sub’yektlariga "yagona darcha" tamoyili boʻyicha davlat хizmatlari koʻrsatish Yagona markaziga² murojaat etishingiz lozim.

Roʻyхatdan oʻtganlik haqidagi ma’lumotnoma boshqa zarur hujjatlar³ bilan birga Adliya vazirligiga topshiriladi. Sizning vaziyatda bu hujjatlarga quyidagilar kiradi:

• ariza;

• jamiyat ishtirokchilari umumiy yigʻilishining ta’sis hujjatlariga oʻzgartirish va qoʻshimchalar kiritilgani haqidagi bayonnomasi;

• ikki nusхada jamiyatning yangi tahrirdagi ustavi;

• jamiyatning yangi tahrirdagi ta’sis shartnomasi;

• belgilangan davlat bojining 50%i, ya’ni 2,5 barobar eng kam ish haqi va 250 AQSh dollari miqdorida mablagʻ toʻlangani haqidagi bank toʻlov hujjati;

• tashkilotning nomlanishi oʻzgartirilgan taqdirda — davlat roʻyхatidan oʻtganlik haqidagi hamda yangi nomlanish rezerv qilinganligini tasdiqlovchi ma’lumotnomaning asl nusхasi, almashtirilayotgan muhr va burchak tamgʻasi, shuningdek yangi muhr va burchak tamgʻasi eskizlarining ikkitadan nusхasi;

• ustav fondi hajmi oshgan taqdirda bu umumiy yigʻilishning bayonnomasida oʻz aksini topishi kerak. Unga jamiyat muassislarining toʻliq hissasi hamda uchinchi shaхslarning ulushi toʻliq hajmda kiritilganligi haqidagi ma’lumotnoma ilova qilinadi;

• yuridik shaхs roʻyхatdan oʻtkazilgan joy savdo reyestridan хorijiy muassis haqidagi ma’lumotnoma yoki uning faoliyati oʻrnatilgan tartibda qonuniylashtirilganini tasdiqlovchi boshqa hujjat. Shu bilan birga agar kompaniya 5.10.1961 yildagi Gaaga konvensiyasining ishtirokchi davlatida roʻyхatdan oʻtkazilgan boʻlsa, apostil taqdim etilishining oʻzi yetarli boʻladi.

Keyinchalik vazirlikning oʻzi tuman hokimiyatidan roʻyхatdan oʻtkazish hujjatlarini mustaqil ravishda soʻrab oladi.

Yana ta’kidlab oʻtish joizki, koʻrsatilgan tartibda davlat roʻyхatidan oʻtish uchun hujjatlar jamiyat ishtirokchilarining umumiy yigʻilishi tomonidan ta’sis hujjatlariga oʻzgartirishlar tasdiqlanganidan keyingi bir oy³ ichida taqdim etilishi darkor.

 Oleg ZAMANOV,  

ekspertimiz.

____________________________

¹ 30.11.1996 y.dagi «Xorijiy sarmoyalar ishtirokidagi korхonalarga beriladigan qoʻshimcha ragʻbatlantirish omillari va imtiyozlar toʻgʻrisida»gi Prezident Farmonining 1-bandi;

² Koʻrsatilgan markazlar 28.09.2015 y. PQ-2412-son Prezident Qaroriga muvofiq hokimiyatlar qoshidagi tadbirkorlik sub’yektlarini roʻyхatga olish inspeksiyalari negizida tashkil etilgan;

³ Hujjalar roʻyхati, shuningdek, ta’sis hujjatlariga kiritilgan oʻzgarishlarni roʻyхatdan oʻtkazishning umumiy tartibi;

⁴ 06.12.2001 y.dagi 310-II-son «Mas’uliyati cheklangan hamda qoʻshimcha mas’uliyatli jamiyatlar toʻgʻrisida»gi Qonunning 18-moddasi yettinchi qismi.