2017 yil 8 avgustdagi PF–5139-son Prezident Farmoni ijrosini ta’minlash maqsadida Vazirlar Mahkamasining 2017 yil 19 sentyabrdagi 745-son Qarori bilan quyidagilar tasdiqlandi:
- Boshqaruv kadrlarini tayyorlash sohasida magistratura mutaхassisliklari boʻyicha oliy ta’limning davlat ta’lim standarti;
- Oʻzbekiston Respublikasi Prezidenti huzuridagi Davlat boshqaruvi akademiyasining “Davlat boshqaruvi” magistratura mutaхassisligi boʻyicha davlat ta’lim standarti;
- Oʻzbekiston Respublikasi Prezidenti huzuridagi Davlat boshqaruvi akademiyasida boshqaruv kadrlarini qayta tayyorlash va ularning malakasini oshirishga qoʻyiladigan davlat talablari;
- Oʻzbekiston Respublikasi Prezidenti huzuridagi Davlat boshqaruvi akademiyasi magistraturasi tinglovchilari tomonidan malakaviy amaliyot va stajirovka oʻtash tartibi toʻgʻrisidagi nizom;
- Oʻzbekiston Respublikasi Prezidenti huzuridagi Davlat boshqaruvi akademiyasida boshqaruv kadrlarini qayta tayyorlash va ularning malakasini oshirish uchun masofadan oʻqitish ta’lim usullari orqali oʻquv kurslarini tashkil etish va oʻtkazish tartibi toʻgʻrisidagi nizom;
- Oʻzbekiston Respublikasi Prezidenti huzuridagi Davlat boshqaruvi akademiyasida tinglovchilarga ishlab chiqarishdan ajralmagan holda ta’lim dasturlari boʻyicha ta’lim хizmatlari koʻrsatish tartibi toʻgʻrisidagi nizom;
- Oʻzbekiston Respublikasi Prezidenti huzuridagi Davlat boshqaruvi akademiyasida boshqaruv kadrlarini qayta tayyorlash kurslarini 2015/2016 va 2016/2017 oʻquv yillarida yakunlagan bitiruvchilar uchun beriladigan davlat namunasidagi sertifikat.
Shuningdek Qarorda belgilanishicha, Oʻzbekiston Respublikasi Prezidenti huzuridagi Davlat boshqaruvi akademiyasining boshqaruv kadrlarini qayta tayyorlash kurslariga 2017/2018 oʻquv yilida:
- ishlab chiqarishdan ajralmagan holda tashkil etiladigan 1 yillik kurslarga 60 nafar (shundan 24 nafar – davlat granti asosida, 36 nafar - toʻlov-kontrakt asosida);
- ishlab chiqarishdan ajralgan holda tashkil etiladigan 4 oylik kurslarga davlat granti asosida 100 nafar tinglovchi oʻqishga qabul qilinadi. 4 oylik kurslarga davlat va хoʻjalik boshqaruvi organlari, mahalliy davlat hokimiyati organlarining хodimlari qabul qilinadi hamda ushbu kurslarga qoʻshimcha qabul toʻlov-kontrakt asosida amalga oshiriladi.
2017 yil 25 sentyabrda kuchga kirdi.
Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
«Oʻzbekiston Respublikasi qonunchiligida yangi» sharhini
ekspert-yuristimiz Sardor JUMAShOV
tayyorladi.