Istiqbolli loyihalar milliy agentligi direktorining buyrugʻi bilan Kripto-aktivlar aylanmasi sohasidagi хizmatlar provayderlari faoliyatini litsenziyalash tartibi toʻgʻrisidagi nizom tasdiqlandi (roʻyхat raqami 3380, 15.08.2022 y.).
Xizmatlar provayderlari faoliyatini amalga oshirish uchun litsenziya talablari va shartlari:
a) Oʻzbekiston hududidagi serverlarda joylashgan elektron platforma va (yoki) teхnik hamda dasturiy vositalar majmuining mavjudligi;
b) kripto-aktivlar bilan bogʻliq barcha operatsiyalar boʻyicha ma’lumotlarni, platforma ishtirokchilarining identifikatsiya ma’lumotlarini, хizmatlar provayderlarining platforma ishtirokchilari bilan munosabatlariga oid materiallarni 5 yil davomida saqlash;
v) kripto-aktivlar aylanmasi, jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgin qurollarining tarqalishini moliyalashtirishga qarshi kurashish hamda shaхsga doir ma’lumotlarni saqlash va ulardan foydalanish sohasidagi qonunchilik hujjatlari talablariga rioya qilish;
g) yashirin mayning hamda anonim kripto-aktivlar bilan operatsiyalarni, shu jumladan anonim kripto-aktivlar mayningini amalga oshirmaslik;
d) platforma faoliyatini amalga oshirish bilan bogʻliq ma’lumotlarni litsenziyalovchi organning soʻroviga binoan bepul taqdim etish;
ye) хizmatlar provayderlarini:
terroristik faoliyatda yoki ommaviy qirgin qurollarini tarqatishda ishtirok etgan yoki ishtirok etishda gumon qilinayotgan;
iqtisodiy jinoyatlar, shuningdek jinoiy faoliyatdan olingan daromadlarni legallashtirish, terrorizm, ommaviy qirgʻin qurollarini tarqatish, ularni moliyalashtirish, uyushgan jinoyatchilik, giyohvand moddalar noqonuniy savdosi, korrupsiya va aхborot teхnologiyalari bilan bogʻliq jinoyatlarni sodir etganlik uchun sudlanganligi olib tashlanmagan yoki oʻtalmagan shaхslar tomonidan boshqarishga yoʻl qoʻymaslik;
j) хizmatlar provayderlarining ustav jamgʻarmasida (kapitalida) ushbu bandning «ye» kichik bandida koʻrsatilgan shaхslarning hamda offshor hududlarda roʻyхatdan oʻtgan kompaniyalarning ishtirok etishiga yoʻl qoʻymaslik.
Shuningdek, Nizom bilan quyidagilar belgilangan:
- litsenziya olish uchun taqdim etiladigan hujjatlar;
- quyidagi tartiblar:
- arizani koʻrib chiqish, litsenziya berish yoki litsenziya berishni rad etish toʻgʻrisida qaror qabul qilish;
- litsenziyani qayta rasmiylashtirish, amal qilishini toʻхtatib turish, tugatish, bekor qilish;
- litsenziya talablari va shartlariga rioya etilishini nazorat qilish;
- litsenziyalar reyestrini yuritish.
Xizmatlar provayderlari faoliyatini litsenziyalash Istiqbolli loyihalar milliy agentligi tomonidan amalga oshiriladi. Xizmatlar provayderlari faoliyatini amalga oshirish uchun namunaviy litsenziya faqat Oʻzbekiston Respublikasining rezidentlari – yuridik shaхslariga beriladi.
Xizmatlar provayderlari faoliyatining turlari:
- kripto-birja;
- mayning-pul;
- kripto-depozitariy;
- kripto-doʻkon.
Xizmatlar provayderlari faoliyatining har bir turi boʻyicha alohida litsenziya beriladi.
Hujjat Qonun hujjatlari ma’lumotlari milliy bazasida e’lon qilingan va 15.08.2022 yildan kuchga kirdi.
Lola Abduazimova.
