Prezident tomonidan 20.02.2024 yildagi “Oʻzbekiston Respublikasining ayrim qonun hujjatlariga oʻzgartirishlar kiritish toʻgʻrisida”gi OʻRQ-910-son Qonun imzolandi.
Soliq kodeksiga kiritilayotgan oʻzgartirishga muvofiq, soliq organlarining sayyor soliq tekshiruvlari va soliq auditi natijalari boʻyicha qabul qilingan qarorlar ustidan bevosita sudga shikoyat qilishga oid cheklov bekor qilinmoqda.
Shuningdek:
- “Xoʻjalik shirkatlari toʻgʻrisida”gi, “Mas’uliyati cheklangan hamda qoʻshimcha mas’uliyatli jamiyatlar toʻgʻrisida”gi;
- “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi qonunlarga oʻzgartirishlar kiritilmoqda.
Oʻzgartirishlar bilan tadbirkorlik sub’yektining ustav fondini (ustav kapitalini) kamaytirish toʻgʻrisida qaror qabul qilinganda kreditorlarni yozma ravishda хabardor qilish va bu haqda OAVda e’lon berish talabi bekor qilinmoqda.
Hujjat “Xalq soʻzi” gazetasida e’lon qilingan va 21.02.2024 yilda kuchga kirdi.
Sobir Nurberdiyev
.png)
