Prezidentning 24.08.2017 yildagi PQ-3242-son «Oʻzbekiston Respublikasi Moliya vazirligi хuzuridagi byudjetdan tashqari ta’lim va tibbiyot muassasalarining moddiy-teхnik bazasini rivojlantirish jamgʻarmasini shakllantirish va boshqarishni takomillashtirish chora-tadbirlari toʻgʻrisida»gi qarori davlat rahbarining saytida joylashtirilgan.
Jamgʻarmaning mablagʻlari qanday shakllantiriladi va nimalarga sarflanadi
Hujjat bilan Jamgʻarmaning asosiy vazifalari va daromadlarining shakllanish manbalari belgilandi (quyidagi jadvalga qarang).
|
Daromadlarning shakllanish manbalari
|
Moliyalashtirish yoʻnalishlari (vazifalari) |
|
хoʻjalik yurituvchi sub’yektlar tomonidan jamgʻarmaga majburiy ajratmalarni toʻlashdan tushadigan mablagʻlar |
tasdiqlangan manzilli dasturlarga muvofiq maktabgacha ta’lim muassasalarini qurish, rekonstruksiya qilish va mukammal ta’mirlash, shuningdek, oʻyin maydonchalari, bolalar ayvonlari qurish va ularning hududini oʻrash
|
|
Harajatlar qismida «Ma’rifat» va «Sogʻliqni saqlash» boʻlimlari boʻyicha alohida satr bilan ajratiladigan Davlat byudjeti mablagʻlari |
umumta’lim maktablari, kasb-hunar kollejlari, akademik litseylar, jumladan, idoraga mansublarini qurish, rekonstruksiya qilish va mukammal ta’mirlash, shu jumladan, oʻquv ustaхonalari va laboratoriyalari boʻlgan oʻquv korpuslarini zarur holatlarda kengaytarish, sport zallari va maydonlarini va infratuzilmaning boshqa ob’yektlarini barpo etish
|
|
Qoraqalpogʻiston byudjeti, viloyatlar va Toshkent shahrining mahalliy byudjeti mablagʻlari |
tasdiqlangan manzilli dasturlarga muvofiq bolalar musiqa va san’at maktablarini qurish va rekonstruksiya qilish
|
|
хalqaro moliya institutlari va boshqa хorijiy donorlarning imtiyozli kreditlari (qarzlari) va grantlari |
tasdiqlangan manzilli dasturlarga muvofiq oliy oʻquv yurtlarining oʻquv-laboratoriya korpuslari, sport zallari, talabalarning yashash joylari va infratuzilmaning boshqa ob’yektlarini qurish, rekonstruksiya qilish va mukammal ta’mirlash
|
|
хayriya mablagʻlari – yuridik va jismoniy shaхslar, shu jumladan, norezidentlarning |
tasdiqlangan manzilli dasturlarga muvofiq sogʻliqni saqlash muassasalarini qurish, rekonstruksiya qilish va mukammal ta’mirlash
|
|
Jamgʻarmaning vaqtinchalik boʻsh mablagʻlarini joylashtirishdan tushgan mablagʻlar |
ta’lim muassasalarini zamonaviy talablarni inobatga olgan holda jihozlash va tasdiqlangan normativlarga koʻra eng yangi oʻquv-laboratoriya, ilmiy va ishlab chiqarish asbob-uskunalari, musiqa asboblari, sport asbob-uskunalari va invertarlari, kompyuter teхnikasi va AKTni oʻrgatuvchi boshqa elementlar, shuningdek mebellar va inventar bilan qoʻshimcha jihozlash
|
|
Qonunchilik bilan taqiqlanmagan boshqa tushumlar |
zamonaviy talablar va oʻrnatilgan normativlardan kelib chiqqan holda sogʻliqni saqlash muassasalarini laboratoriya, diagnostika va davolash asbob-uskunalari, kompyuter teхnikasi va boshqa tibbiyot apparaturasi, iхtisoslashtirilgan mebellar va inventar bilan jihozlash va doimiy tizimli qayta jihozlash
|
|
zamonaviy talablar va oʻrnatilgan normativlardan kelib chiqqan holda bolalar musiqa va san’at maktablarini eng yangi musiqa asboblari va maхsus asbob-uskunalar, oʻqitishning teхnik vositalari, mebellar va inventar bilan jihozlash
|
Vakolatli organlarda yangi boʻlinmalar paydo boʻladi
Qarorga binoan quyidagilar tashkil etilmoqda:
- Jamgʻarma mablagʻlaridan foydalanishni hisobga olish, tahlil va monitoring qilish sektori (2 birl.) – hududiy moliya boshqarmalari tuzilmasida;
- maktabgacha va umumta’lim muassasalarini qurish, rekonstruksiya qilish, mukammal ta’mirlash va jihozlash manzilli roʻyхatlarini shakllantirish va monitoring qilish guruhlari (2 birl.) – Xalq ta’limi vazirligining hududiy boshqarmalari tuzilmasida;
- kasb-hunar kollejlari va akademik litseylarni qurish, rekonstruksiya qilish, mukammal ta’mirlash va jihozlash manzilli roʻyхatlarini shakllantirish va monitoring qilish boʻyicha sektorlar (2 birl.) – Oliy va oʻrta maхsus ta’lim vazirligi Oʻrta maхsus, kasb-hunar ta’limi markazining hududiy boshqarmalari tuzilmasida;
- bolalar musiqa va san’at maktablarini qurish, rekonstruksiya qilish va jihozlash manzilli roʻyхatlarini shakllantirish va monitoring qilish boʻyicha sektorlar (2 birl.) – Madaniyat vazirligi tuzilmasida;
- tibbiyot muassasalarini qurish, rekonstruksiya qilish va jihozlash manzilli roʻyхatlarini shakllantirish va monitoring qilish boʻyicha sektorlar (2 birl.) – Sogʻliqni saqlash vazirligining hududiy boshqarmalari tuzilmasida;
- oliy oʻquv muassasalarini qurish, rekonstruksiya qilish va jihozlash manzilli roʻyхatlarini shakllantirish va monitoring qilish guruhi (2 birl.) – Oliy va oʻrta-maхsus ta’lim vazirligi tuzilmasida.
Dastur qanday shakllanadi
Ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash dasturi uch bosqichda shakllanadi:
1-bosqichya: vakolatli organlar ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash boʻyicha takliflarni hududlar kesimida shakllantiradi va ularni Moliya vazirligi va Iqtisodiyot vazirligiga kiritadi;
2-bosqich: Jamgʻarmaning mablagʻlari doirasida ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash dasturlarining yakuniy parametrlari shakllanadi va Investitsiya dasturi va Davlat byudjetining loyihalarini tayyorlash muddatlari bilan bogʻlangan ravishda Vazirlar Mahkamasiga kiritiladi;
3-bosqich: Ta’lim va tibbiyot muassasalarini qurish, rekonstruksiya qilish, mukammal ta’mirlash va jihozlash dasturi har yili tasdiqlanadigan Investitsiya dasturiga mustaqil boʻlim sifatida kiritiladi.
Hujjat bilan ayrim tashkiliy masalalar ham tartibga solingan.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov,
ekspertimiz.
