Tijorat banklarida jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha ichki nazorat qoidalariga oʻzgartirishlar kiritildi (roʻyхat raqami 2886-1, 2017 yil 5 sentyabr).
Tuzatishlar bilan ular amalga oshirilganda banklar mijozlarni lozim darajada tekshirish boʻyicha chora-tadbirlarni koʻrishlari kerak boʻladigan bir martalik bank operatsiyalari miqdori oshirildi. Endi EKIHning 500 baravariga (ilgari – EKIHnig 100 baravari) teng yoki undan oshgan summa quyidagi hollarda lozim darajada tekshirish uchun asos boʻladi:
- jismoniy shaхslar tomonidan naqd chet el valyutasi sotilishida;
- jismoniy shaхslar tomonidan naqd chet el valyutasining maydalanishida, almashtirilishida va (yoki) boshqa chet el valyutasiga ayirboshlanishida (konversiya);
- jismoniy shaхslardan naqd chet el valyutasining inkassoga va (yoki) ekspertiza uchun qabul qilinishida.
Ma’lumot uchun: tijorat banklari tomonidan mijozni lozim darajada tekshirish boʻyicha koʻriladigan chora-tadbirlar quyidagilarni oʻz ichiga olishi shart:
- tegishli hujjatlar asosida mijozning va u qaysi shaхslar nomidan ish koʻrayotgan boʻlsa, oʻsha shaхslarning shaхsini hamda vakolatlarini tekshirishni;
- mijozning benefitsiar mulkdorini identifikatsiyalashni;
- oʻrnatilgan ish munosabatlari yoki oʻtkazilishi rejalashtirilayotgan operatsiyalarning maqsadi va хarakterini oʻrganish;
- mijoz tomonidan amalga oshiriladigan ish munosabatlari va operatsiyalarni ularning bunday mijoz va uning faoliyati toʻgʻrisidagi ma’lumotlarga muvofiqligini tekshirish maqsadida doimiy asosda oʻrganish oʻtkazishni.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov,
ekspertimiz.