Vazirlar Mahkamasining 3.07.2015 yildagi 180-son qarori bilan jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha milliy tizimining takomillashtirilishi munosabati bilan Hukumatning ayrim qarorlariga oʻzgartirishlar va qoʻshimchalar kiritildi.
Maхsus vakolatli davlat organi bilan birgalikda quyidagi idoralar jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha ichki nazorat qoidalarini ishlab chiqadi va tasdiqlaydi:
-Moliya vazirligi – sugʻurtalovchilar va sugʻurta vositachilari, lizing хizmatlari koʻrsatuvchi tashkilotlar (bank va boshqa kredit tashkilotlari bundan mustasno), lotereya va tavakkalchilikka asoslangan boshqa oʻyinlar tashkilotchilari hamda auditorlik tashkilotlari uchun;
- Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi – qimmatli qogʻozlar bozorining professional ishtirokchilari uchun (banklar va sugʻurtalovchilar bundan mustasno);
- Xususiylashtirish, monopoliyadan chiqarish va raqobatni rivojlantirish davlat qoʻmitasi – birjalar a’zolari va rieltorlik tashkilotlari uchun.
Koʻrsatilgan vazirliklar va idoralar qoidalarga rioya qilinishini monitoring va nazorat qilish hamda tekshirishni amalga oshiradi, qonun buzilishlari aniqlangan taqdirda esa qonunchilikda oʻrnatilgan tartibda tegishli choralar koʻrishga haqli boʻladi.
«Oʻzbekiston Respublikasi qonunchiligida yangi» sharhini bizning ekspert-yuristimiz
Yelena YeRMOXINA tayyorladi.
.png)
