22 апрель куни бўлиб ўтган брифингда тайёргарлик ишлари тўлиқ якунлангани ҳақида матбуот вакилларига хабар берилди.
«Tashkent Law Spring» халқаро юридик форуми 25 апрель куни бошланади. Форумдаги асосий саволлардан бири: давлат ва жамиятнинг жадал ўзгариш даврида ҳуқуқ қандай бўлмоғи керак? Дунёнинг 37 мамлакатидан келган қарийб 240 нафар делегат биргаликда унга жавоб излайди. Юридик компаниялар – «The Legal 500» халқаро рейтинги етакчилари ҳам форумда иштирок этишга тайёрликларини изҳор қилдилар.
Форумнинг амалий дастури «Сифатли бошқарув», «Суд устуворлигини таъминлаш ва суд-ҳуқуқ тизимини ислоҳ қилиш», «Фаол инвестициявий сиёсат» йўналишлари бўйича 17 та дискуссион сессияни ўз ичига олади. «Суд экспертизаси» ва «Нотариат» мавзуларига оид иккита давра суҳбати, шунингдек «Юридик компания бошқаруви: муваффақият сирлари» ва «Инвестиция лойиҳаларини бошқариш» маҳорат дарслари ўтказилиши режалаштирилмоқда.
Форум дастури, спикерлар ва иштирокчилар ҳақидаги батафсил маълумотлар билан https://tashkentlawspring.uz/uz расмий веб-сайтида танишишингиз мумкин.
Брифинг ташкилотчиларининг қайд этишича, форум юридик ва бизнес соҳа вакилларида катта қизиқиш уйғотган: 800 нафардан ортиқ иштирокчилар рўйхатдан ўтган, майдонча бундан ортиқ кишини сиғдира олмайди.
Миллий ва хорижий ОАВнинг 90 дан ортиқ вакили аккредитациядан ўтиб, мазкур тадбирни ёритади. Улар учун барча шароитлар яратилган: зарур техник ускуналар, ёзув-чизув анжомлари ва бепул Wi-Fi бўлган матбуот маркази ташкил этилган. Форумнинг расмий сайти ва ТВ орқали форум ўтказилаётган жойдан тўғридан-тўғри (онлайн) трансляция олиб борилади
.png)
