22 августдан бошлаб Марказий банк қиймати 50000 сўм бўлган банкнот кўринишидаги янги пул белгиларини муомалага чиқаради.
Қиймати 50000 сўм бўлган пул белгилари ҳимояланган қоғозда тайёрланган. Оқ рангли сатҳнинг чап тарафидан қоғоз қатламида “Дарча” ва “3Д” эффектли юзага чиқиб, ичкарига ботувчи ҳимоя ипи ўтказилган.
Олд томонининг марказида Мустақиллик майдонидаги «Эзгулик» аркаси тасвирланган.
Марказда Ўзбекистон Республикасининг ҳошияланган харитаси жойлашган бўлиб, унинг фони «O‘ZBEKISTON RESPUBLIKASI» сўз бирикмали такрорланувчи микроматн кўринишида ишланган.
Банкнотнинг орқа томони марказида “ANJUMANLAR SAROYI” меъморий биноси тасвирланган.
Барча тасвирлар ва ёзувлар пайпаслаганда аниқланадиган ифодаланган рельефга эга.
Шунингдек, банкнотда унга хос бўлган бошқа рамзлар ҳам бор.
Муомалага чиқарилаётган банкнотлар, айни пайтда муомалада бўлган пул белгилари билан бир қаторда, барча хўжалик юритувчи субъектлар ва аҳоли томонидан ўз қиймати бўйича барча турдаги тўловлар учун ҳеч қандай чекловларсиз қабул қилиниши шарт.
