Соғлиқни сақлаш вазирининг буйруғи (рўйхат рақами 2840, 2016 йил 30 ноябрь) билан Алкоголь ва тамаки маҳсулотлари истеъмол қилинишига йўл қўйилмайдиган огоҳлантирувчи ҳамда тамаки маҳсулотини истеъмол қилиш учун махсус ажратилган жой ва (ёки) хона ҳақида ахборот берувчи белгиларни тайёрлаш ҳамда уларни жойлаштириш тартиби тўғрисидаги низом тасдиқланди.
- www.norma.uz
- Қонунчиликдаги янгиликлар
- Чекишга қарор қилсангиз – огоҳлантирувчи белгиларга қаранг
Чекишга қарор қилсангиз – огоҳлантирувчи белгиларга қаранг
06.12.2016
Белгиланишича, алкоголь ва тамаки маҳсулотлари истеъмол қилинишига йўл қўйилмайдиган огоҳлантирувчи ҳамда тамаки маҳсулотини истеъмол қилиш учун махсус ажратилган жой (хона) ҳақида ахборот берувчи белгиларни тайёрлаш ҳамда уларни жойлаштиришни ташкилот раҳбари, иш берувчи ёки бино (объект)лардан фойдаланаётган юридик (жисмоний) шахслар ташкил этади.
Огоҳлантирувчи ва ахборот берувчи белгилар Низомда кўрсатилган шаклларга мувофиқ тайёрланади.
Огоҳлантирувчи белгилардаги огоҳлантирувчи матн давлат тилида (лотинча ёки кириллча ҳарфларда), рус, инглиз ёки бошқа хорижий тилларда ифодаланиши мумкин.
Алкоголь маҳсулотлари истеъмол қилинишига йўл қўйилмайдиган огоҳлантирувчи белгидаги огоҳлантирувчи матнда қуйидаги сўзлар акс эттирилади:
«АЛКОГОЛЬ МАҲСУЛОТИ ИСТЕЪМОЛ ҚИЛИНИШИГА ЙЎЛ ҚЎЙИЛМАЙДИ! ЖАРИМА — ЭНГ КАМ ИШ ҲАҚИНИНГ 1/2 ҚИСМИ МИҚДОРИДА! БИР ЙИЛ ДАВОМИДА ТАКРОРЛАНСА — ЭНГ КАМ ИШ ҲАҚИНИНГ 1/2 ҚИСМИДАН ИККИ БАРАВАРИГАЧА МИҚДОРИДА ЖАРИМА ЁКИ 15 СУТКАГАЧА МУДДАТГА МАЪМУРИЙ ҚАМОҚ! (Асос: МЖтКнинг 187-моддаси)».
Алкоголь маҳсулотлари истеъмол қилинишига йўл қўйилмайдиган матнли огоҳлантирувчи белги иш жойларида, кўчалар, стадионлар, хиёбонлар, истироҳат боғларида ва бошқа жамоат жойларида, шунингдек алкоголь маҳсулотини қуйиб реализация қилишга рухсат этилмаган савдо ва умумий овқатланиш объектларида (тўйлар, юбилейлар ва бошқа тантаналар ҳамда маросимлар ўтказиладиган жойлар, шунингдек алкоголь маҳсулотини қуйиб реализация қилишга рухсат этилган савдо ва умумий овқатланиш объектлари бундан мустасно) жойлаштирилиши лозим.
Алкоголь маҳсулотлари истеъмол қилинишига йўл қўйилмайдиган матнсиз огоҳлантирувчи белги жамоат транспортининг барча турларида (фуқаро ҳаво кемаси бундан мустасно) жойлаштирилади.
Тамаки маҳсулотлари истеъмол қилинишига йўл қўйилмайдиган огоҳлантирувчи белгидаги огоҳлантирувчи матнда қуйидаги сўзлар акс эттирилади:
«ТАМАКИ МАҲСУЛОТИ ИСТЕЪМОЛ ҚИЛИНИШИГА ЙЎЛ ҚЎЙИЛМАЙДИ! ЖАРИМА — ЭНГ КАМ ИШ ҲАҚИНИНГ 1/3 ҚИСМИ МИҚДОРИДА! (Асос: МЖтКнинг 561-моддаси)».
Тамаки маҳсулотлари истеъмол қилинишига йўл қўйилмайдиган матнли огоҳлантирувчи белги иш жойларида, соғлиқни сақлаш, таълим, спорт-соғломлаштириш муассасаларида, ёнғин чиқиш хавфи бўлган жойларда ва бошқа жамоат жойларида (тамаки маҳсулотини истеъмол қилиш учун махсус ажратилган жой (хона)лар бундан мустасно) жойлаштирилиши лозим.
Тамаки маҳсулотлари истеъмол қилинишига йўл қўйилмайдиган матнсиз огоҳлантирувчи белги поездларда, дарё кемаларида, автобусларда, йўналишли ва йўналишсиз таксиларда, шаҳар электр транспортида жойлаштирилади.
Тамаки маҳсулотини истеъмол қилиш учун махсус ажратилган жой (хона) ҳақида ахборот берувчи белги махсус ажратилган жой (хона)да жойлаштирилади.
Ҳужжат давлат тилида қабул қилинган ва 2017 йил 5 мартда кучга киради.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.
«Ўзбекистон Республикаси қонунчилигида янги» шарҳини
эксперт-юристимиз Сардор ЖУМАШОВ
тайёрлади.
Янги сонларда ўқинг
- Қишлоқ хўжалиги маҳсулотларини экспорт қилиш бўйича республика комиссияси тузилди
- Бош бухгалтернинг касаллиги ва солиқ текширувлари
- Якка тартибдаги тадбиркор солиқ солиш тизимини қандай ўзгартириши мумкин
- Сув ресурсларидан фойдаланганлик учун солиқнинг бўнак тўловлари
- «Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора-тадбирлар белгиланганлиги муносабати билан Ўзбекистон Республикасининг Солиқ кодексига қўшимчалар киритиш тўғрисида»
- Ўзига бўлган ишонч иш муносабатларига қандай таъсир кўрсатади
- «Ўзбекистон Республикасининг айрим қонун ҳужжатларига фуқароларнинг ижтимоий ҳимоясини янада кучайтиришга қаратилган ўзгартириш ва қўшимчалар киритиш тўғрисида»
- Дам олиш кунида ишга қабул қилишни расмийлаштириш мумкинми
- «Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида»
- «Тошкент шаҳрида «Тошкент инвест компанияси» акциядорлик жамияти ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга оширишни такомиллаштириш чора-тадбирлари тўғрисида»