Вазирлар Маҳкамасининг 27.09.2021 йилдаги 609-сон қарори билан Транспорт воситалари эгаларининг фуқаролик жавобгарлигини мажбурий суғурта қилиш қоидаларига ўзгартиришлар киритилди.
Қонунчиликка мувофиқ йўл-транспорт ҳодисалари бўйича ҳайдовчилар томонидан ДЙҲХХ ходимларининг иштирокисиз йўл-транспорт ҳодисаси тўғрисидаги хабарномани тузиш орқали суғурта товонини олиш тартиби жорий этилган.
2021 йил 1 ноябрга қадар суғурта ташкилотларининг сайтларида хабарнома намунаси жойлаштирилади ва уни юклаб олиш мумкин бўлади.
Хабарнома қуйидаги асослар бир вақтнинг ўзида мавжуд бўлиши шарти билан тузилади:
- жабрланувчига енгил тан жароҳати етказилишига ёхуд мол-мулк шикастланишига олиб келмаган бўлса;
- иштирокчи бўлган ҳайдовчилардан бири ўз айбига тўлиқ иқрор бўлса;
- ЙТҲ пиёда иштирокисиз содир этилган бўлса;
- ҳодисада фақат 2 та транспорт воситаси иштирок этган бўлса;
- иштирокчиларнинг фуқаролик жавобгарлиги суғурта қилинган бўлса;
- ҳайдовчилик гувоҳномаси, транспорт воситаси рўйхатдан ўтказилганлиги тўғрисидаги гувоҳнома, ишончнома, йўл варақаси мавжуд бўлса;
- ҳайдовчиларда мастлик ҳолати бўлмаса;
- автомобилларнинг шикастланиши ҳолатлари иштирокчилар ўртасида келишмовчиликларни келтириб чиқармаса.
Ҳужжат Қонун ҳужжатлари маълумотлари миллий базасида эълон қилинган ва 25.11.2021 йилдан кучга киради.
Лола Абдуазимова.
.png)
