Poytaхt IIBB «102» shoshilinch raqamiga kelib tushayotgan qoʻngʻiroqlarni qabul qilish va tutib turish tizimi modernizatsiyalanayotgani munosabati bilan qoʻshimcha ikkita telefon raqamini ajratdi.
IIBB ijtimoiy tarmoqlardagi foydalanuvchilarning shikoyatlari sababli ana shunday yoʻl tutdi. Ular ba’zan «102» shoshilinch raqamiga qoʻngʻiroq qilib tusha olmasliklari: u yo «band» boʻlishi, yo dastakni koʻtarmasliklari haqida yozganlar.
Fuqarolarga qulaylik yaratish maqsadida navbatchilik qismida qoʻshimcha ikkita telefon raqami ajratildi, ular orqali qoʻngʻiroq qilib, hodisa va jinoyatlar haqida хabar berish mumkin:
(+998) 71 232-30-40;
(+998) 71 232-40-50.
