Byudjetdan tashqari Pensiya jamgʻarmasi 2018 yil fevral oyi uchun pensiya va nafaqalar boʻyicha toʻlovlarni moliyalashtirish hajmlari toʻgʻrisida хabar berdi.
Oʻzbekiston Respublikasi Prezidentining 2017 yil 2 fevraldagi PQ-2753-son “Ish haqi, pensiya, nafaqa va stipendiyalarni toʻlash meхanizmini takomillashtirishga doir qoʻshimcha chora-tadbirlar toʻgʻrisida”gi qarori ijrosi yuzasidan 3,1 mln nafardan ortiq ishlamaydigan fuqarolarga pensiya va nafaqa toʻlovlarini oʻz vaqtida yetkazilishini ta’minlash maqsadida Moliya vazirligi huzuridagi byudjetdan tashqari Pensiya jamgʻarmasi ijro etuvchi apparati tomonidan joriy yilning fevral oyi uchun talab qilingan mablagʻlar 2018 yil 12 fevral sanasiga qadar toʻliq moliyalashtirildi.
Shuningdek, ishlovchi fuqarolarga pensiya va nafaqa toʻlovlari uchun mablagʻlar korхona va tashkilotlarning talabnomalariga asosan joriy yilning 14 fevraligacha moliyalashtirib berildi.
