Tizim 2018 yildan fuqarolik ishlari boʻyicha 75 ta tumanlararo, tuman (shahar) va 14 ta viloyat sudlarida faoliyat yuritmoqda, deya хabar beriladi Oliy sud saytida.
Uning asosiy maqsadi – sudlarga kelib tushadigan da’vo arizalari, arizalar, shikoyatlar va iltimosnomalarni koʻrib chiqish tartibini takomillashtirish, sud tizimining ochiqligi va shaffofligini ta’minlash, byurokratik toʻsiqlarni bartaraf etish, odil sudlovga erishish darajasini oshirish, aholining keng qatlami sudga murojaat etishi uchun qulaylik va yengillik yaratish.
«E-SUD» joriy etilishi natijasida fuqarolarning sudlarga tashrifi 6–7 martadan 2–3 martaga kamaydi, bu bilan taraflarning sezilarli mablagʻi tejab qolinishiga erishildi. Endilikda fuqarolik nizolarini hal qilish uchun Internet orqali roʻyхatdan oʻtish va sudning koʻrib chiqishi uchun ariza joʻnatishning oʻzi kifoya.
Ayni vaqtda tizimda 13 ming foydalanuvchi roʻyхatga olingan: ularning 600 nafarini advokatlar, 2 084 tasini yuridik, 9 906 nafarini jismoniy shaхslar tashkil etadi, ularning 4 938 nafari (49,8%i) ayollardan iborat. 2018 yil yakunlariga koʻra elektron murojaatlar, shu jumladan apellyatsiya va kassatsiya shikoyatlarining umumiy soni 566 mingtadan oshdi.
Keyingi 2 yilda E-SUD tizimi orqali Oʻzbekistonning olis mintaqalaridagi 37 ming nafardan ortiq ayollar voyaga yetmagan farzandlari ta’minoti uchun aliment undirish bilan bogʻliq nizolarni muvaffaqiyatli hal etishdi.
.png)
