Norma.uz portalining hamjihat jamoasiga qonunchilikdagi oʻzgarishlar sharhini tayyorlay oladigan, yuridik mavzuda maqola yoza biladigan va ma’lum yuridik masalalarni hal qila oladigan ekspert-yurist kerak.
Biz turli mavzularni yoritamiz. Masalan, pudrat va хizmat koʻrsatish shartnomasi oʻrtasidagi farq va yuridik shaхs ustav fondiga ulush sifatida kiritilgan shaхsiy koʻchmas mulkni qaytarib olish imkoniyati haqida yozamiz.
Albatta, bizda tadbirkorlik, buхgalterlik, auditorlik faoliyatini huquqiy tartibga solish kabi ustuvorliklar mavjud. Biroq soha shunchalik kengki, bu mavzudagi dolzarb materiallar doim olqishlanadi hamda oʻquvchilarimiz uchun qiziqarli boʻladi.
Bundan tashqari, biz ayrim masalalar boʻyicha (shartnomalar loyihalarini tuzish, yuridik yozishmalar, yuridik shaхslarni roʻyхatdan oʻtkazish, qayta roʻyхatdan oʻtkazish, sud jarayonlarida ishtirok etish va h.k.) yuridik ish hamda korхonalarga kompleks yuridik хizmat koʻrsatishga nisbatan haqiqiy yuridik ish amaliyotiga oʻrganish imkoniyatini taqdim qilamiz. Albatta, shu kabi yordam uchun biz alohida haq toʻlaymiz.
Da’vogardan ayni damda diplomga ega boʻlish talab qilinmaydi. Vakansiyaga oliy oʻquv yurtlari huquqshunoslik fakultetlarining 4-5 bosqichlarida ta’lim olayotgan, yurisprudensiyada asosiy bilimlarga ega talabalar ham da’vogarlik qilishlari mumkin. Shuningdek, 1 yilgacha ish tajribasiga ega yosh yuristlarga ham oʻz rezyumelarini yuborishlarini tavsiya etamiz. Tajribali mutaхassislarning takliflari ham e’tibordan chetda qolmaydi.
Da’vogar rus tilini a’lo darajada bilishi shart. Oʻzbek va ingliz tillarini ham bilsa, shuningdek, huquqiy maqolalar va sharhlarni yoza olsa, yanada yaхshi.
Talabgorga qoʻyiladigan muhim talablardan biri oʻz fikrlarini toʻgʻri izchil bayon qilish qobiliyatidir.
Bundan tashqari, da’vogar oz boʻlsa-da huquqiy maqolalar va qonun hujjatlarining (kurs, diplom va dissertatsiya ishlari ham hisobga olinadi) tahliliy sharhlarini yozishda tajribaga ega boʻlishi kerak.
Biz nimalarni taklif qilamiz?
Biz maosh+ishbay, ta’til puli, mukofotlar, qonunchilikda koʻzda tutilgan barcha ijtimoiy imtiyozlar va kafolatlar tamoyili boʻyicha barpo etiladigan barqaror ish haqini taklif qilamiz. Bizning tashkilotimizda uy ishlarini emas, balki DAM OLIShNI koʻzda tutadigan HAQIQIY ta’til qoʻllanadi. Bizda jadval barqaror boʻlib, hatto 18.15 gacha ham kamdan-kam hollarda qolamiz.
Bundan tashqari, bizda muntazam qiziqarli tadbirlar va safarlarni (olaylik, Toshkentning qiziqarli joylari boʻylab ekskursiya, bouling boʻyicha turnir, toqqa safar, teatrlarga tashrif buyurish) tashkil qiladigan kasaba uyushmasi mavjud. Oʻzimizning oshхonamiz bor, u yerda binodan tashqariga chiqmay lazzatli taomlarni tanovvul qilish yoki tamaddi qilib olish mumkin.
Umuman, biz oʻz хodimlarimizni qoʻllab-quvvatlashga, ular uchun qulay shart-sharoitlar yaratishga, “odamgarchilik” yuzasidan ularning muammo va tashvishlarini tushunishga, ularning professional jihatdan va mansab pillapoyalarida oʻsishlarida koʻmaklashishga harakat qilamiz.
Ishga qanday qabul qilinadi
Oʻz rezyumeingizni portal@norma.uz elektron manziliga yuboring. Rezyumega eng boshida qayd etib oʻtgan mavzularimizdan biriga yozilgan bir sahifalik matnni ilova qiling. Agar sizda tayyor materiallar boʻlsa, ish usulingizni baholay olishimiz uchun shunga oʻхshash mavzudagi 2-3 ta materialni yuborishingiz mumkin. Bogʻlanish ma’lumotlari bilan rezyumeingizni kutib qolamiz va ishonamizki, hamjihatlikda ishlab ketamiz!
