Prezident huzuridagi Davlat boshqaruvi akademiyasida 5-6 fevral kunlari «Oʻzbekiston 2035» II хalqaro forumi boʻlib oʻtadi, deya хabar qiladi OʻzA.
Forumda «Buyuk kelajak» kengashi ekspertlari tomonidan Oʻzbekistonni 2035 yilgacha rivojlantirishga moʻljallangan uzoq muddatli Strategiya Konsepsiyasi loyihasining muhim iqtisodiy va siyosiy yoʻnalishlari haqidagi ma’ruza taqdim etiladi.
Ayni paytda manfaatdor idoralar «Buyuk kelajak» XNNT (MNNO) saytining «Tadbirlar» boʻlimida konsepsiya loyihasi materiallari bilan tanishishlari mumkin.
Forumdan soʻng konsepsiya loyihasi kelib tushgan takliflarni hisobga olgan holda qayta ishlanadi va qoʻshimchalar kiritiladi hamda aholi keng qatlami orasida, ekspert-tahlilchilar davrasida, davlat va jamoatchilik tashkilotlari vakillari oʻrtasida jamoatchilik eshituvlaridan oʻtkaziladi. Natijalarga koʻra, hukumatga taqdim etish uchun hujjatning yakuniy versiyasi tayyorlanadi.
