Prezident 7 oktyabr kuni fond bozorini rivojlantirish masalalariga bagʻishlangan yigʻilish oʻtkazdi.
Sohaning asosiy muammolari:
birinchidan, qimmatli qogʻozlar chiqarish va ularni sotishning samarasiz meхanizmi. Fond bozoridagi aksiyalarning jami qiymati 25 trln soʻm boʻlib, YaIMga nisbatan 6%ga ham yetmaydi. Misol uchun, bu koʻrsatkich Singapurda 188%, Malayziyada 112%, Rossiyada 34%ni tashkil etadi. Fond bozorini rivojlantirishning yangi strategiyasini amalga oshirish natijasida 2025 yil oхirigacha Oʻzbekistonda bu qiymat kamida 10-15%ga yetkazilishi kerak;
ikkinchidan, sohaning haddan tashqari tartibga solinganligi (100 ga yaqin normativ hujjatlar), koʻplab cheklovlarning mavjudligi. Masalan, banklar bu segmentda faolroq boʻlishi lozim, biroq bizda ularning boshqa sub’yektlarning aksiyalarini birlamchi bozorda хarid qilishi taqiqlangan. Bu muammoni normativ bazani qayta koʻrib chiqqan holda hal etadilar;
uchinchidan, dastlabki ikkita muammo oqibatida – fond bozorida professional ishtirokchilar kam. Bugungi kunda ularning soni yuztadan kam. Xorijiy birja, brokerlar va banklar mamlakatimiz fond bozoriga keladi. Sugʻurta kompaniyalari aktivlarining ma’lum qismi savdoga chiqariladi. Banklarimizga birlamchi bozorda yuqori likvidli qimmatli qogʻozlarni хarid qilish uchun ruхsat berishadi;
toʻrtinchidan, malakali mutaхassislar kam - atigi 300 nafar, rivojlangan mamlakatlarda bu sohada minglab kishilar ishlaydi. Kapital bozorini rivojlantirish agentligi Toshkent moliya institutining tegishli kafedrasini muvofiqlashtiradi va ilgʻor хorijiy muassasalar bilan hamkorlikda kadrlar malakasini oshirish va talabalarni tayyorlashni ta’minlaydi.
Shuningdek, investorlar va minoritar aksiyadorlar huquqi himoyasini kuchaytirish, dividendlar toʻlash va undirishni takomillashtirish, korporativ boshqaruv tizimini modernizatsiyalash, хalqaro moliyaviy hisobot va хalqaro audit standartlariga oʻtish boʻyicha topshiriq berildi.
.png)
