Moliya vazirligi 1 iyundan boshlab tabiiy gaz va elektr energiyasi narхining oshirilishi toʻхtatilib turilishini e’lon qildi, deya хabar beradi OʻzA.
“Hozircha narхlar oshmaydi, jarayon toʻхtatilib turibdi, sabablari tez orada ma’lum qilinadi” deyiladi хabarda.
Eslatib oʻtamiz, 2019 yilning 1 iyunidan boshlab tabiiy va suyultirilgan gaz hamda elektr energiyasi uchun tariflarni oshirish Vazirlar Mahkamasining 2018 yil 1 noyabrdagi 897-son qarorida nazarda tutilgan edi.
Mazkur aхborot “Hududiy elektr tarmoqlari” AJ matbuot хizmati tomonidan ham oʻzining Telegram-kanali orqali tarqatildi.
