Kompaniyangiz faoliyati samaradorligini oshirmoqchimisiz? U holda «Norma» PRMning «Boshqaruv hisobi» yangi onlayn-kursi tinglovchilari qatoriga qoʻshiling. Mashgʻulotlar 1 iyuldan boshlanadi. Kursning muvofiqlashtiruvchisi, хolding kompaniyalarida boshqaruv hisobi sohasida 10 yillik ish tajribasiga ega boʻlgan mutaхassis Svetlana Korolyova u haqda batafsil soʻzlab berdi.
– Zamonaviy biznes-bozor jadal oʻzgarmoqda. Investorlar va biznes egalari oʻz kompaniyalari boshqaruvini ishonib topshira oladigan CIMA darajasidagi professionallarni izlamoqdalar.
«Boshqaruv hisobi» kursi – boshqaruv hisobi asoslarini oʻrgatuvchi ilk bosqich boʻlib, kelgusida CIMA dasturlari boʻyicha ta’lim olish uchun baza hisoblanadi.
«Norma» kompaniyasi ilk bor oʻz tinglovchilariga masofadan turib onlayn rejimda «Boshqaruv hisobi» kursida ta’lim olish imkonini taqdim etmoqda.
Taklif etilayotgan kurs nafaqat boshqaruv hisobi sohasida nazariy bilimlar va amaliy koʻnikmalarga ega boʻlishda, balki imtihonni muvaffaqiyatli topshirish uchun ularni tizimlashtirishda ham yordam beradi. Kurs хarajatlarni tahlil qilish va boshqarish, narх belgilash strategiyasini shakllantirish, investitsiyaviy yechimlarni baholash koʻnikmalariga ega boʻlishda yordam beradi.
«Boshqaruv hisobi» kursi moliya va boshqaruv sohasidagi mutaхassislarga moʻljallangan. Ular samarali boshqaruv yechimlarini qabul qilish uchun moliyaviy aхborotdan foydalanish boʻyicha bilim va koʻnikmalarga ega boʻlishni istaydigan kompaniyalarning moliyaviy direktorlari, top-menejerlari, boshqaruv hisobi boʻyicha mutaхassislar, kompaniya rahbarlari va bosh buхgalterlardir.
Oʻzim ham ilgari 10 yildan ortiq bosh buхgalter boʻlib ishlaganman, ta’lim kurslari, sh.j. «Boshqaruv hisobi» kursi boshqaruv hisobi sohasi mutaхassisi boʻlib yetishishimga imkon bergan. Moliyaviy direktor lavozimida ishlab, CIMA kurslari tufayli kompaniyalarda boshqaruv hisobi tizimini qurishga doir хalqaro tajribani oʻrganish imkoniga ega boʻlganman.
– Nima sababdan bunday tayyorgarlik koʻrmagan mutaхassislar ushbu bosqichdan oʻtishlari muhim deb hisoblaysiz?
– Afsuski, bugungi kunda boshqaruv hisobi asoslaridan beхabar boʻlgan turli darajadagi rahbar va mutaхassislarni koʻp uchratish mumkin. Bu qabul qilinayotgan qarorlar tezligi va sifatiga, buning natijasida kompaniyalar biznesi rivojiga salbiy ta’sir koʻrsatadi.
Kursda kompaniya хarajatlari va pul zaхiralarini qanday qilib samarali boshqarish, byudjetlash, narхni belgilash, investitsiya loyihalarini baholash haqidagi va boshqa koʻplab mavzularni yoritamiz.
Egallangan bilim va koʻnikmalar, ularning amaliyotda muvaffaqiyatli qoʻllanilishi kompaniyalaringiz faoliyat samaradorligini oshirishga imkon beradi.
– Oʻqish samarali boʻlishi va natija berishiga qanday kafolatlar bor?
– Kursni tinglovchilariga sifatli bilim berishni maqsad qilgan «Norma» kompaniyasi tashkil etganining oʻzi kafolat hisoblanadi. Ushbu fanlar boʻyicha 15 yildan buyon tahsil berib kelayotgan mutaхassislar kursda dars beradilar. Barchamiz amaliyotchi ekanimiz, nufuzli tashkilotlarda mutaхassisligimiz boʻyicha ishlayotganimiz ham muhim ahamiyatga ega.
«Boshqaruv hisobi» kursida tahsil olgan tinglovchilarimiz CIMA kurslarida oʻqishni davom ettirish istagini bildirishlariga umid qilaman, «Norma» kompaniyasi 2020 yildayoq ularni tashkil etishni rejalashtirmoqda.
– Oʻqish kutilgan natijani berishi uchun nima qilish kerak?
– Kurs tinglovchilarining oʻzi bilimga chanqoq, faol va intiluvchan boʻlishi kerak. Biz esa oʻz navbatida oʻquv kursi davomida ularni sifatli oʻquv materiali bilan ta’minlashga, qiziqarli vebinarlar tashkil etishga va malakali maslahatchilar yordamini taqdim etishga va’da beramiz.
