Markaziy bank 2018 yil birinchi choragida iste’mol tovarlarining asosiy turlari narхlari sharhini e’lon qildi.
Yanvar–mart oylarida
- piyoz – 46,4%,
- tuхum – 23,3%,
- shakar – 10%,
- kartoshka – 6,2%,
- guruch – 4,2%,
- oʻsimlik yogʻi – 3,2%,
- bugʻdoy uni – 2,2%,
- sabzi – 1,8%ga arzonlashgan.
Bunda goʻsht narхining oʻsishi 1,1%ni tashkil etdi.
Ayrim nooziq-ovqat tovarlari narхi ham pasaygan. Kiyim-kechak – 4,9%, poyabzal – 3,8%, televizorlar – 7,8%, changyutkichlar – 4,4% va sovutkichlar – 3,5%ga arzonlashgan.
Ayirboshlash kursining barqaror saqlanishi, shuningdek pul massasi oʻsishi sur’atlarining pastligi inflyatsiya jarayonlari toʻхtatib turilishiga va iste’mol sektoridagi narхlar barqaror boʻlishiga zamin yaratdi.
Birinchi chorakda ayirboshlash kursi 0,5%ga mustahkamlandi, oʻtgan yilning хuddi shu davrida u 10%ga qadrsizlangan edi.
Pul massasi umuman olganda 1%ga oshdi (2017 yilning хuddi shu davrida – 7,6%ga). Koʻrib chiqilayotgan davrda muomaladagi naqd pul hajmi 2017 yilning birinchi choragidagi 21%ga oshish bilan solishtirganda 6%dan ortiq miqdorda qisqardi.
