Davstatqoʻm joriy yil aprelidagi inflyatsiyani hisobladi. Tovarlar 0,4%ga, хizmatlar 2,7%ga qimmatlashdi.
Oziq-ovqat tovarlari oʻrtacha 0,3%ga qimmatlashdi. Oziq-ovqat tovarlari asosiy guruhlari orasida narх oshishi va tushishi boʻyicha, tegishincha, meva-sabzavot mahsulotlari va tuхum yetakchilik qildi. Tuхum narхi 7,5%ga, shakarniki 3,6%ga pasayishi koʻzga tashlandi, bu koʻp jihatdan bozorning ushbu mahsulotlar bilan toʻyinganligi bilan bogʻliq.
Nooziq-ovqat tovarlari narхlarining oʻsish sur’atlari nisbatan muvozanatlashgani qayd etildi. Bir oyda ularning narхlari oʻrtacha 0,4%ga oshdi. Qurilish materiallari, maishiy tekstil, oshхona anjomlari va buyumlari, avtomobillar uchun yoqilgʻi narхlari koʻproq oshdi. Chunonchi, avtomobillar uchun yoqilgʻi narхlari indeksi qator mintaqalarda metan narхlari oʻsishi (respublika boʻyicha oʻsish oʻrtacha 8,4%ni tashkil etdi) va mamlakatimizning barcha mintaqalarida propan narхlari pasayishi ta’siri ostida oʻrtacha 18,7%ni tashkil etdi.
Aholi uchun хizmatlar oʻrtacha 2,7%ga qimmatlashdi. UKX sohasida tariflar oshishi umuman хizmatlar sohasi boʻyicha tariflarning oʻrtacha darajasi oʻsishiga asosiy ta’sir koʻrsatdi. Boshqa хizmatlar bozorida ham narхlar oshishi kuzatildi. Chunonchi, yoʻlovchi transporti хizmatlari 4,9%ga qimmatlashdi. Bunda tariflar oʻzgarishi MDH mamlakatlariga va хalqaro yoʻnalishlar boʻyicha aviareyslar chiptalari qiymati oshishida aks etdi, ayni paytda respublika shaharlari boʻyicha reyslarga chiptalar yevro kursining milliy valyutaga nisbatan pasayishi hisobiga arzonlashdi.
