UzCard 2018 yilning 1 yanvaridan boshlab DUET kartalari boʻyicha tranzaksiyalar oʻtkazishni toʻхtatadi. Bu haqda Yagona Umumrespublika protsessing markazi (YaUPM) хabar beradi.
Xabarda qayd qilinishicha, joriy yilning 3-choragi mobaynida DUET (“offlayn”) kartalar orqali 16,3 mlrd soʻmlik 14 mingdan biroz ortiq tranzaksiyalar oʻtkazilgan. Koʻrsatkichlardan kelib chiqib, ushbu kartalar boʻyicha tranzaksiyalarni toʻхtatish e’lon qilindi.
Xuddi shu davrda elektron tijorat boʻyicha yakuniy ma’lumotlar umuman Oʻzbekistonda bunday operatsiyalar soni shu yilning 2-choragiga nisbatan kamayib, 220 mln. tranzaksiyani tashkil etganini koʻrsatadi, bu oʻtgan yilning shu davriga nisbatan 182,4%ga koʻpdir, unda 77,9 mln. tranzaksiyalar qayd etilgandi.
3-chorakda elektron tijorat boʻyicha tranzaksiyalarning jami summasi 13,4 trln. soʻmni tashkil qilib, oʻtgan yilning shu davriga nisbatan 228,4%ga oshgan (4,08 trln. soʻm).
3-chorak mobaynida Oʻzbekistonda 1,4 mln. plastik karta chiqarilib, bu 2-chorakka (908,210 ming birlik) qaraganda 54,2%ga koʻp demakdir.
