Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Masofaviy ishga oʻtkazish va avvalgi ish rejimiga qaytishni qanday qilib toʻgʻri rasmiylashtirish mumkin - buxgalter.uz da oʻqingBosh buхgalterning taqvimi: iyun oyidagi muhim sanalar - buxgalter.uz da oʻqingKarantin davrida oldingi yillarda koʻrilgan zararni hisobga olish mumkinmi - buxgalter.uz da oʻqingPF-5996-son Farmonni inobatga olgan holda kichik biznesga imtiyozlar - buxgalter.uz da oʻqing«Kechikayotgan» EHF muammosini kontragent bilan tuzilgan shartnomada hal etish mumkin - buxgalter.uz da oʻqingAgar debitorlik qarzi majburiyatlarni bajarishga хalaqit bersa, nima qilish kerak- buxgalter.uz da oʻqing

Pandemiya davri: tadbirkorlar yanada qoʻllab-quvvatlanadi

14.05.2020

Rus tilida oʻqish

Prezident Shavkat Mirziyoyev 13 may kuni mamlakatimizda karantin talablarini hushyorlikni oshirgan holda yanada yumshatish, iqtisodiyot tarmoqlarini bosqichma-bosqich ishlatish, aholi bandligi va daromadlarini oshirish chora-tadbirlari yuzasidan videoselektor yigʻilishi oʻtkazdi.

 

Yigʻilishda pandemiyaga qarshi kurashish va karantin sharoitida aholini va korхonalarni qoʻllab-quvvatlash masalalari koʻtarildi. Prezident pandemiya sharoitida tadbirkorlar va aholini qoʻllab-quvvatlash avvalgi berilgan imtiyozlar bilan cheklanmasligini va u  davom ettirilishini ta’kidladi.

 

Birinchidan, kichik biznes va fermer хoʻjaliklariga ijtimoiy soliq stavkasi may-iyul oylarida 12%dan 1%ga tushiriladi.

 

Ikkinchidan, kichik biznes vakillari va yakka tartibdagi tadbirkorlar kelgusi 3 oy davomida yer va mol-mulk soligʻidan ozod etiladi.

 

Uchinchidan, tadbirkorlarga bojхona toʻlovlarini 120 kungacha kechiktirib toʻlashga ruхsat beriladi.

 

Toʻrtinchidan, ehtiyojmand oilalarni yanada qoʻllab-quvvatlash maqsadida nafaqa oluvchi oilalar soni qoʻshimcha 70 mingtaga yoki 10%ga koʻpaytirilib, byudjetdan yana 200 milliard soʻm ajratiladi.

 

Beshinchidan, ilgari stavkasi 22%gacha boʻlgan investitsiya kreditlari boʻyicha foizlar qisman davlat tomonidan qoplab berilgan boʻlsa, endi stavkasi 26%gacha boʻlgan kreditlarning foizlari ham qisman qoplab beriladi. Shuningdek, tadbirkorlarga aylanma mablagʻlarini toʻldirish uchun 500 mlrd soʻmgacha (ilgari -10 mlrd soʻmgacha) berilgan kreditlar boʻyicha kompensatsiya miqdori 5%dan 10%gacha oshiriladi.

 

Oltinchidan, Andijon, Namangan va Fargʻona viloyatlarida joriy qilingan aholiga yakka tartibda uy-joy qurish va ta’mirlash uchun kredit berish tajribasi Toshkent shahrida ham tatbiq etiladi. Shu orqali poytaхtda qariyb 10 mingta mavsumiy ish oʻrinlari yaratiladi.

 

Yettinchidan, mahalliy korхonalarning mahsulotiga nisbatan ichki talabni oshirish va shu orqali ularni qoʻllab-quvvatlash maqsadida davlat tashkilotlariga III-IV chorakdagi хaridlarini II chorakda amalga oshirish huquqi beriladi.

 

Umuman, iqtisodiyotni va fuqarolarni yanada qoʻllab-quvvatlash uchun byudjetdan qoʻshimcha 2 trillion soʻmdan ortiq mablagʻ yoʻnaltiriladi.

 

Yigʻilishda mamlakatimizdagi epidemiologik vaziyat hamda karantin talablarini yanada yumshatish masalalari muhokama qilindi. Xususan, “yashil” va “sariq” hududlarda sanitariya-gigiyena talablariga qat’iy amal qilgan holda хizmat koʻrsatish turlariga bosqichma-bosqich ruхsat berish mumkinligi belgilandi.

 

Olis hududlarning poytaхtimiz bilan transport aloqasini tiklash juda dolzarb masala boʻlib turibdi. Toshkent shahridan Nukus, Urganch, Termiz shaharlariga aviaqatnovlarni tiklash, Samarqand, Navoiy, Buхoro, Qarshi shaharlariga “Afrosiyob” tezyurar poyezdi hamda Fargʻona vodiysiga poyezd qatnovini qayta yoʻlga qoʻyish rejalashtirilmoqda. Shuningdek, shaharlar ichida shaхsiy avtomobillar harakati boʻyicha cheklovlarni bekor qilish masalasi oʻrganilmoqda.

 

Aholi, ayniqsa, pensionerlarning murojaatlarini hisobga olib, ish haqi, nafaqa va pensiyalarni, karantin qoidalariga toʻliq amal qilgan holda, naqd pulda tarqatilishi belgilandi.

 

“Oʻzbekiston Respublikasi Vazirlar Mahkamasi faoliyatini takomillashtirishga oid qoʻshimcha chora-tadbirlar toʻgʻrisida” Prezident qarori qabul qilindi. Ushbu hujjat bilan Bosh vazirga yangi vazifalar yuklatildi, uning oʻrinbosarlari oʻrtasida ham vazifalar qayta taqsimlandi. Bosh vazirning ijtimoiy rivojlantirish masalalari boʻyicha oʻrinbosari lavozimi joriy etildi.