Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Soliq qoʻmitasi rasmiy tushuntirishlar xizmatini ishga tushirdi Buxgalter uchun qoʻllanma: Toʻlovga qobiliyatsizlik ishlari agentligining reyestrlari kompaniyalarni xavfli bitimlardan qanday himoya qiladi Norezidentga xizmatlar koʻrsatishda QQS mavjud boʻlmaganda

Qanday qilib oʻz xohishiga koʻra ishdan boʻshash mumkin

24.10.2018

Rus tilida oʻqish


Ish beruvchi ishdan boʻshash haqida ariza yozgan xodimga mehnat daftarchasini bermay, uni ushlab qolishga urinadi. Uning bunday xatti-harakat qilishi toʻgʻrimi? Ushbu materialda mehnat huquqi sohasi eksperti Abdusalom Risqullayev bu savolga javob beradi. Mutaxassisga boshqa savollaringiz boʻlsa, Norma professional rivojlanish markazida 26 oktyabrda oʻtkaziladigan seminarda ularga javob olishingiz mumkin.

 

– Ish beruvchi oʻz xohishiga koʻra ishdan boʻshash haqida ariza yozgan xodimni mehnat daftarchasini bermaslik orqali ushlab qolishga urinishi hollari, afsuski, bugungi kunda koʻp uchraydi. Ish beruvchining bunday xatti-harakatlari huquqqa zid, – deya ta’kidladi Abdusalom Risqullayev vaziyatni koʻrib chiqib. 

 

Mehnat kodeksining 99-moddasiga muvofiq, xodim nomuayyan muddatga tuzilgan mehnat shartnomasini ham, muddati tugagunga qadar muddatli mehnat shartnomasini ham bekor qilishga haqlidir. Buning uchun ikki hafta oldin ish beruvchini yozma ravishda ogohlantirishning oʻzi kifoya. Ogohlantirish muddati tugagandan soʻng xodim ishni toʻxtatishga haqli, ish beruvchi esa, xodimga mehnat daftarchasini berishi va u bilan hisob-kitob qilishi shart.

 

Xodim bilan ish beruvchi oʻrtasidagi kelishuvga binoan mehnat shartnomasi ogohlantirish muddati tugamasdan oldin ham bekor qilinishi mumkin. 

 

Shuni nazarda tutish lozimki, mehnat shartnomasini xodimning tashabbusi bilan bekor qilish haqidagi ariza u oʻz ishini davom ettirishining imkoni yoʻqligi (oʻquv yurtiga qabul qilinganligi, pensiyaga chiqqanligi, saylab qoʻyiladigan lavozimga saylanganligi va boshqa hollar) bilan bogʻliq boʻlsa, ish beruvchi mehnat shartnomasini xodim iltimos qilgan muddatda bekor qilishi kerak.

 

Muddatli mehnat shartnomasi xodimning tashabbusi bilan muddatidan oldin bekor qilinganda xodimning neustoyka toʻlashi belgilab qoʻyilishi mumkin. Uni toʻlash tartibi Mehnat kodeksining 104-moddasida belgilangan. Agar mehnat shartnomasida neustoykaning miqdori belgilab qoʻyilmagan boʻlsa, taraflar uni toʻlashdan ozod etiladilar. Neustoykaning miqdori ish beruvchi tomonidan xodimning manfaatlarini koʻzlab qilingan xarajatlarga, xodim ishlagan davr va boshqa holatlarga bogʻliq tarzda tafovut qilishi mumkin. Uning miqdori ish beruvchi toʻlaydigan neustoyka miqdoridan oshib ketishi mumkin emas. Neustoyka toʻlashdan bosh tortilgan taqdirda uni undirish sud tartibida amalga oshiriladi.

 

«Mehnat qonunchiligi: qoʻllash amaliyoti, koʻp uchraydigan xatolar, ish beruvchining javobgarligi» seminariga havola orqali oʻtib yozilish mumkin.




 

V etoy teme deystvuyet premoderatsiya kommentariyev.
Vi mojete ostavit svoy kommentariy.

info! Ostavlyaya svoy kommentariy na sayte, Vi soglashayetes s nashimi Pravilami ix razmeshcheniya.
Gost_