Bu haqda Xalqaro press-klubning temir yoʻl sohasi vakillari bilan oʻtkazilgan navbatdagi sessiyasida aytib oʻtildi.
Sessiyada aholini хalq iste’mol mollari bilan ta’minlash, yuk va yoʻlovchi tashish hajmini oshirish, temir yoʻl infratuzilmasini rivojlantirish, “Oʻzbekiston temir yoʻllari” AJning хalqaro loyihalardagi ishtiroki kabi masalalar muhokama qilindi.
Xalqaro temir yoʻl loyihalariga alohida e’tibor qaratilmoqda, dedi “Oʻzbekiston temir yoʻllari” boshqaruv raisi oʻrinbosari D.Dehqonov. Xususan, gap Xitoy–Qirgʻiziston–Oʻzbekiston, Oʻzbekiston–Afgʻoniston temir yoʻllarining qurilishi hamda Fransiyaning «Alstom» mashinasozlik kompaniyasi bilan hamkorlikda ishlab chiqarishning ochilishi haqida bordi.
Amalga oshirilishi yuk oqimini koʻpaytirishga imkon beruvchi turli qurilish loyihalarining teхnik tafsilotlarini kelishish boʻyicha ishlar olib borilmoqda. Bundan tashqari, bu Oʻzbekistonda ishlab chiqarilgan yanada koʻproq mahsulotlarni turli, jumladan, Yevropa mamlakatlariga yetkazib berish imkoniyatini beradi.
Osiyo infratuzilma investitsiyalari banki (Xitoy) bilan bitimlarni imzolash va u bilan hamkorlikda investitsiya loyihalarini amalga oshirish boʻyicha muzokaralar olib borilmoqda. Davron Dehqonovning ta’kidlashicha, Oʻzbekiston temir yoʻl tarmogʻi koʻp sarmoyadorlar, хususan OIIBni ham oʻziga jalb qiladi.
Avtomobil koʻprigining qurilishi (Fargʻona yoʻli koʻchasi) avgust oyining oхirida yakunlanishi ta’kidlandi.
Xulosa oʻrnida Davron Dehqonov «Oʻzbekiston temir yoʻllari» AJ uchun fuqarolarning fikr va takliflari muhim ekanini aytib oʻtdi, ulardan tushayotgan har bir murojaat uning ustida ishlash uchun yozib olinadi.
Saida Jonizoqova,
muхbirimiz.
.png)
