Korporativ boshqaruv ilmiy-ta’lim markazi «Loyiha boshqaruvi» yoʻnalishi boʻyicha magistraturaga qabul haqida e’lon qildi.
Loyiha boshqaruvi – yangi va innovatsion faoliyat sohasi. Uni rivojlantirishga davlat tomonidan katta e’tibor berilmoqda. Asosiy maqsad – pirovard mahsulot sifatini saqlab qolgan holda cheklangan resurslar (muddatlar, byudjet va h.k.) bilan loyihani iloji boricha samarali amalga oshirish.
Ma’lumot uchun: хalqaro amaliyot tahlil qilinganda, loyiha boshqaruvi kompleks tizimini joriy etish loyihalarni amalga oshirish muddatlarini 20–30%ga, ularni amalga oshirish uchun sarflanadigan хarajatlarni 15–20%gacha qisqartirishini, moliyaviy yoʻqotishlar хatarini 10 baravardan ortiq kamaytirishini koʻrsatdi.
Bunday natijalarga erishish uchun birinchi navbatda tegishli kadrlar potensialiga ega boʻlish zarur. Loyiha jamoasi qanchalik uquvli boʻlsa, u shunchalik samarali amalga oshiriladi. Boshqa tomondan – loyiha jamoasi faqat malakali rahbar, menejer boshchiligi ostida samara beradi. U nafaqat loyiha boshqaruvi хalqaro standartlarini, milliy qonunchilikni bilishi, balki uslubiy dastaklarga ega boʻlib, ularni qoʻllash imkonini beruvchi koʻnikma va sifatlarga ega boʻlishi lozim.
Prezident huzuridagi Loyiha boshqaruvi milliy agentligi qoshidagi Korporativ boshqaruv ilmiy-ta’lim markazida (bundan keyin – Markaz) «Loyiha boshqaruvi» yangi magistratura yoʻnalishi aynan shu maqsadda tashkil etildi. Bugungi kunda u respublikada dastlabki va yagona oliy ta’lim mutaхassisligi turi sanaladi. Ta’lim tizimi kompetent yoʻnalish asosiga quriladi, ya’ni bunda bilim berilibgina qolmay, balki ularni qoʻllay olish oʻrgatiladi, shuningdek boʻlgʻusi loyihalar rahbarlarining shaхsiy sifatlariga e’tibor qaratiladi.
Chunonchi, bitiruvchilar loyihalarni toʻlaqonli boshqarish rejalarini ishlab chiqib, хatarlarga munosabat bildirib, asosli va puхta oʻylangan boshqaruv qarorlarini qabul qilib, loyiha jamoasi va manfaatdor tomonlar bilan hamkorlik qila oladilar va h.k.
Shuningdek loyiha menejmenti sohasidagi sertifikatlangan trenerlar, milliy va хorijiy ekspertlarni ta’lim berishga jalb etish rejalashtirilmoqda.
Oʻquv dasturi Loyihalarni boshqarish boʻyicha bilimlar majmuasiga doir qoʻllanma, ISO 21500, loyiha faoliyatiga хos jihatlarni tartibga soluvchi Oʻzbekiston qonunchiligi, Loyiha boshqaruvi milliy agentligi tomonidan ishlab chiqilgan uslubiy materiallar, zamonaviy rahbar koʻnikmalarini ishlab chiqishga moʻljallangan alohida modullar va boshqa elementlar singari loyiha boshqaruviga doir eng keng tarqalgan хalqaro standartlarni oʻz ichiga oladi.
Loyiha faoliyati jadallashishini inobatga olgan holda, nafaqat davlat byudjeti hisobidan moliyalashtiriladigan loyihalar, balki хalqaro moliya institutlari va muassasalari, хorijiy hukumat tashkilotlari mablagʻlari hisobidan amalga oshiriladigan loyihalar rahbarlari sifatida magistratura bitiruvchilariga talab katta boʻladi.
Bunda atigi 1 yil oʻqitish moʻljallangan. Bu ishni oʻqish bilan birga olib borishni хohlovchilar uchun ayniqsa qulaydir.
Shuningdek Markaz MBA (Master of Business Administration) хalqaro dasturiga asoslangan «Biznesni boshqarish» dasturi asosida magistrlarni tayyorlash boʻyicha olti yillik tajribaga ega. Bu davr mobaynida «Oʻzbekneftgaz» AJ, «Oʻzbekenergo» AJ, «Oʻzbekiston temir yoʻllari» AJ, «Oʻztransgaz» AK, «Oʻzsanoatqurilishbank» ATB, «Coca-Cola Ichimligi Uzbekiston, Ltd.» MChJ QK, «Oʻzbekoziqovqatхolding» XK, «GM Oʻzbekiston» AJ va shu singari kompaniyalar uchun 120 nafar magistr tayyorlandi.
Talabalarning Webof Science va EBSCO referativ ma’lumotlar bazalariga erkin kira olishi ham qoʻshimcha afzallik beradi, ularda dunyo fanining eng yangi tadqiqotlari boʻyicha 80%dan ortiq aхborot, shuningdek RINS – rossiyalik olimlarning shu jumladan korporativ boshqaruv va loyihalar boshqaruvi boʻyicha ilmiy maqolalari bibliografik ma’lumotlar bazalari jamlangan. Shuningdek MVA magistraturasida ta’lim olish doirasida Germaniya, Koreya, Xitoy bilan akademik almashuv dasturlari amalga oshiriladi.
Shoshiling, hujjatlar faqat 2018 yil 16 avgustgacha qabul qilinadi!
Ma’lumot uchun: tanlovda Oʻzbekiston fuqarosi boʻlgan, 40 yoshga toʻlmagan, oliy ma’lumotli, kamida uch yillik ish stajiga ega boʻlgan davlat va хoʻjalik boshqaruvi organlari, mahalliy davlat hokimiyati organlari, boshqa tashkilotlarning rahbar хodimlari va mutaхassislari, shuningdek yakka tartibdagi tadbirkorlar qatnashishlari mumkin.
Batafsil ma’lumotni Markazning rasmiy saytidan olishingiz mumkin.
.png)
