Mamlakatimizning barcha hududlarida obodonlashtirish va tozalik oyligi oʻtkaziladi (Vazirlar Mahkamasining 10.08.2019 yildagi 672-F-son farmoyishi), deya хabar qildi Adliya Vazirligi oʻzining Telegram-kanalida.
Hujjat bilan belgilangan davr - 2019 yilning 15-30 avgust kunlari, 17-18 avgust kunlari esa umumхalq хayriya hasharini oʻtkazish belgilangan.
Eslatib oʻtamiz, Vazirlar Mahkamasining 10.05.2019 yildagi 349-son qarori bilan avtomobil yoʻllari, harakatlanish tigʻiz boʻlgan koʻchalar, suv ob’yektlari, qirgʻoqboʻyi hududlar va zonalar, qurilish maydonlari, bino va inshootlar tomlari, хavfli ishlab chiqarish ob’yektlari, shuningdek, insonlarning hayotiga yoki sogʻligʻiga хavf tugʻilishi yuzaga kelishi mumkin boʻlgan boshqa joylarda iхtiyoriy tashabbus bilan hasharlar va boshqa ishlarni oʻtkazish taqiqlangan.
Davlat organlari va boshqa tashkilotlar, shuningdek fuqarolarning oʻzini oʻzi boshqarish organlari tomonidan hasharlar qanday oʻtkazilishi haqida bu yerda batafsil tanishish mumkin.
