Turkiya Respublikasi Prezidenti tegishli farmonni imzoladi, deya хabar beradi Repost nashri Turkiyaning rasmiy manbalariga havola qilgan holda.
Endi Oʻzbekiston fuqarolari kirish vizalarini rasmiylashtirmasdan 90 kun davomida Turkiyada turishlari mumkin. Bunday tashriflarning yoʻl qoʻyiladigan davriyligi har 180 kunda 1 marta etib belgilangan. Shu tariqa, fuqarolarimizning ushbu mamlakatda vizasiz turish muddati uch baravar oshirilgan (ilgari 30 kunni tashkil qilar edi).
Eslatib oʻtamiz, Turkiya Respublikasi fuqarolari uchun Oʻzbekistonda 30 kun vizasiz turish rejimi amal qiladi (10.02.2018 yildan boshlab, 3.02.2018 yildagi PF–5326-son Farmonga qarang), turkiyalik fuqarolar – diplomatik pasportlar egalari uchun esa bu muddat 90 kunni tashkil etadi.
