«Oʻzstandart» agentligi «Halol» oziq-ovqat mahsulotlari boʻyicha umumiy qoʻllanma O’z DSt 3286:2018 davlat standartini amalga kiritdi. Yaqin kunlarda Mahsulotni sertifikatlash boʻyicha organlar uchun tegishli Qoʻllanma chiqariladi.
«Halol» standartlari mahsulotlarni ishlab chiqarish, saqlash, tashish, sotish va markirovka qilish jarayonlariga Islom qonunlariga binoan talablarni belgilaydi.
Standartlarning joriy etilishi mamlakatimiz ishlab chiqaruvchilariga mahsulotlarni sotish bozorini kengaytirish hamda ziyorat turizmini rivojlantirishga yordam beradi.
Mazkur ishlar Xalqaro standartlarni joriy etish va keyinchalik ularni respublikada qoʻllash dasturiga muvofiq amalga oshirilmoqda.
