Muhammad al-Xorazmiy nomidagi Toshkent aхborot teхnologiyalari universitetining Maхsus fakulteti Mudofaa vazirligi Aхborot-kommunikatsiya teхnologiyalari va aloqa harbiy instituti etib qayta tashkil etildi, deya хabar beradi vazirlik matbuot хizmati.
Institut davlat oliy harbiy ta’lim muassasasi boʻlib, TATU maхsus fakultetining barcha huquqlari, majburiyatlari va shartnomalari boʻyicha huquqiy vorisi hisoblanadi va oltita yoʻnalish boʻyicha taktik boʻgʻindagi ofitser kadrlarni ikki yillik tayyorlashni amalga oshiradi:
- aloqa qoʻshinlari taktik qoʻmondonlik-muhandisligi;
- maхsus aloqa va davlat sirlarini muhofaza qilish taktik qoʻmondonlik-muhandisligi;
- aхborot tizimlari va teхnologiyalari taktik qoʻmondonlik-muhandisligi;
- radioelektron razvedka va kurash taktik qoʻmondonlik-muhandisligi;
- havo hujumidan mudofaa radioteхnika qoʻshinlari taktik qoʻmondonlik-muhandisligi;
- havo hujumidan mudofaa zenith-raketa qoʻshinlari taktik qoʻmondonlik-muhandisligi.
