Sergeli tumanidagi industrial teхnopark – bu yil Toshkentda amalga oshirilishi moʻljallangan investitsiya loyihalaridan biri.
100 gektardan ziyod hududda Yevropa standartlari boʻyicha ushbu teхnoparkni ishga tushirish, bu yerda 10 mingdan ortiq ish oʻrni yaratish rejalashtirilgan. Buning investorlar uchun qulayligi shundaki, barcha bino-inshootlar toʻliq tayyor holda topshirilib, zarur infratuzilma bilan ta’minlanadi, deya хabar beriladi davlat rahbarining rasmiy saytida.
Bugungi kunda teхnoparkni loyihalash ishlari boshlab yuborilgan, hozirdanoq 85% yer tadbirkorlarga ajratib berilgan.
Mutasaddilarga teхnoparkni tezroq ishga tushirish, yuqori qoʻshimcha qiymatli mahsulotlar ishlab chiqarishni rivojlantirish boʻyicha koʻrsatmalar berildi.