Xoʻjalik shartnomalari va bitimlarining soliq oqibatlari ularning mazmuniga doir koʻplab jihatlarga bogʻliq. Keyinchalik soliq idorasida muammoga toʻqnash kelmaslik uchun shartnomani qanday tuzish kerak? ViGoRus konsalting kompaniyasi direktori Svetlana Golosova maslahat beradi.
– Amaliyotda xoʻjalik bitimlari tusiga qarab turli xil shartnomalar bilan rasmiylashtiriladi, ularning har biri koʻpgina xususiyatlarga ega boʻladi. Noaniqliklar, xatolar, e’tiborsizlik soliqlarning ortiqcha toʻlanishi yoki qoʻshimcha hisoblanishiga, jarimalarga va boshqa koʻngilsizliklarga olib kelishi mumkin.
Soliq solish jihatidan kamchiliklarga yoʻl qoʻymaslik uchun nima qilish kerak? Bu katta mavzu, Norma professional rivojlanish markazida oʻtkaziladigan «Xoʻjalik shartnomalari va bitimlarining soliq oqibatlari» seminarida ana shu haqda soʻz yuritaman. Navbatdagisi 30 mayda boʻlib oʻtadi. Xohlovchilar bu yerda yozilishlari mumkin.
Ushbu seminarlarga buxgalterlar qatori yuristlar ham keladilar. Bu tasodifiy hol emas. Amaliyotda, ayniqsa kichik korxonalar va mikrofirmalar haqida soʻz borganda, shartnomalarni tayyorlash va tuzish jarayoni buxgalter zimmasida boʻladi. Shartnomani tuzish chogʻida u koʻpgina yuridik jihatlarni inobatga olishi lozim, aks holda ular nafaqat huquqiy, balki soliq oqibatlariga olib keladi. Yirik korxonalarda shartnomalar bilan, odatda, yuristlar ishlaydilar, ular soliq solish masalalarini tushunishlari, soliq solinadigan bazani toʻgʻri belgilay olishlari muhim ahamiyatga ega. Har qanday holatda ham buxgalter shartnomalar tuzishning huquqiy asoslarini, yurist esa buxgalteriya hisobi va soliq solish asoslarini bilishi shart.
Shuni qayd etib oʻtmoqchimanki, seminar ishtirokchilarining bunday tarkibda boʻlishi masalalarni har tomonlama koʻrib chiqish imkonini beradi. Bu uchrashuvni axborot bilan yanada boyitadi va foydali qiladi, turli xil masalalarni koʻrib chiqishga zamin yaratadi.
