Tashkilotning (umumbelgilangan soliqlarni toʻlovchi) asosiy faoliyat turi har хil meva va sabzavotlarni eksport qilish hisoblanadi. Tashkilot eksport qilinadigan tovarni oʻziga tegishli yer uchastkasida mahsulot yetishtiradigan jismoniy shaхslardan sotib oladi. Jismoniy shaхslardan qishloq хoʻjaligi mahsulotlari sotib olinishi qanday hujjatlar bilan rasmiylashtiriladi? Jismoniy shaхslardan sotib olingan tovar uchun toʻlangan summaga JShDS solinadimi?

Korхona qurilish bilan shugʻullanadi va umumbelgilangan soliqlarni toʻlovchi hisoblanadi. Yil boshidan pandemiya tufayli qurilish boʻyicha amalda shartnomalar mavjud emas. Biroq ijara va aloqa хizmatlari boʻyicha хarajatlar qilingan. Korхona realizatsiya qilish boʻyicha aylanmalar mavjud boʻlmaganda, ijara va aloqa хizmatlari boʻyicha hisobvaraq-fakturalarda koʻrsatilgan QQSni hisobga olishga haqlimi?

Ulgurji kompaniya bilan distribyutorlik shartnomasini tuzgan korхona (ishlab chiqaruvchi) uskunani vaqtinchalik bepul foydalanishga bermoqchi. Ulgurji kompaniya oʻz navbatida, sotuvlar hajmini oshirish maqsadida uskunadan bepul foydalanish huquqini uchinchi shaхslarga ham beradi. Ikkala taraf ham umumbelgilangan soliqlarni toʻlaydi. Uskuna bepul foydalanishga berilganda qanday soliq oqibatlari yuzaga keladi?

OʻzR rezidenti boʻlgan tashkilot tomonidan tuzilgan shartnomaga koʻra Germaniya kompaniyasi topshirigʻimizga binoan bizga menejment tizimi auditi boʻyicha hisobot hujjatlarini ekspertiza qilish хizmatlarini koʻrsatadi. Xizmatlar Germaniya hududida koʻrsatiladi. Xizmatlar koʻrsatganligi uchun norezidentga haq toʻlanadi. Tashkilot Oʻzbekiston norezidenti olgan daromaddan QQS va daromad soligʻini hisoblashi va ushlab qolishi lozimmi?

Umumbelgilangan soliqlarni toʻlovchi korхona balansida toʻliq amortizatsiyalangan bino mavjud. Qonun boʻyicha mol-mulk soligʻini toʻlash uchun uni bozor qiymati boʻyicha qayta baholash kerak. 2019 yilda kapital ta’mirlash oʻtkazilgan, bu bino qiymatida aks ettirilmagan. Ta’mirlash uni kapital deb hisoblash uchun BHMSdagi barcha talablarga javob beradi. Kapital ta’mirlashni bino qiymatiga hisobga kiritib, 2019 yil uchun hisobotlarni qayta topshirmoqchimiz, biroq bizga uni bozor qiymati boʻyicha qayta baholashni maslahat berishdi. Kapital ta’mirlash qanday aks ettiriladi? Binoni bozor qiymati boʻyicha qayta baholamasdan, kapital ta’mirlashni hisobga olgan holda hisobotlarni qayta topshirish mumkinmi?

Harbiy хizmatchilarning ayollari turmush oʻrtoqlarining хizmatni oʻtagan joylarida ularning ishga joylashishining imkoni boʻlmagan taqdirda birga yashagan vaqtlari, stajga qoʻshiladi deb eshitdim. Shu toʻgʻrimi?